Unión de Centro Democrático (UCD) estió una coalición electoral espanyola establida o 3 de mayo de 1977 que se convertió en partiu politico o 4 d'agosto de 1977, d'ideolochía centrista, y que desapareixió en 1982. O suyo establidor y lider mas conoixiu estió Adolfo Suárez González, y s'establió como un partiu continador d'a obra de gubierno d'Adolfo Suárez en o post-franquismo, uniu a partius politicos de cuantas ideolochías, dende socialdemocratas dica liberals u democristians.
Luego d'a suya disolución, os suyos militants mas de ezquierda dentroron en o Partido Socialista Obrero Español, y os suyos militants mas de dreitas dentroron en o nuevo Partido Popular, encara que beluns continoron con o nuevo partiu de Suárez, o Centro Democrático y Social.
Fundación d'o partiu Os partius politicos establidors d'a UCD estioron: Partido Demócrata Cristiano (PDC) de Fernando Álvarez de Miranda. Partido Popular (PPCD) de Pío Cabanillas. Partido Socialdemócrata Independiente (PSI) de Gonzalo Casado. Partido Social Liberal Andaluz (PSLA) de Manuel Clavero. Partido Socialdemócrata de Francisco Fernández Ordóñez. Partido Progresista Liberal (PPL) de Juan García Madariaga. Federación de Partidos Demócratas y Liberales (FPDL) de Joaquín Garrigues Walker. Partido Liberal d'Enrique Larroque. Federación Social Demócrata (FSD) de José Ramón Lasuén Sancho. Partido Gallego Independiente (PGI) de José Luis Meilán. Unión Canaria (UC) de Lorenzo Olarte. Unión Social Demócrata Española (USDE) de Eurico de la Peña. Unión Demócrata de Murcia (UDM) de Antonio Pérez Crespo. Acción Regional Extremeña (AREX) de Enrique Sánchez de León. Partido Demócrata Popular (PDP) de Ignacio Camuñas. Partido Social Demócrata Foral.
*