Román II naixió en 939 y morió en l'anyo 963. Succedió a su padre Constantín VII a la edat de 21 anyatas.
De nino fue obligato a casar-se con a filla ilechitima de Hugo de Arlés, Berta, que cambió o suyo nombre por Eudoxia cuan se convirtió a la ilesia ortodoxa griega. Dimpués que Hugo abdicase en o suyo reino d'Italia Berta morió en l'anyo 949, y Román tornó a casar-se, esta vegata con qui querió, y sorprendió a los suyos contemporanios prenendo como muller a Teofano, a filla d'un tabernero.
Se crei que morió enverenato por a suya muller Teofano.
En o suyo reinau o cheneral Niceforo Focas reconquirió Creta a los arabes (961). En l'anyo 962 Niceforo conquirió Cilicia y mesmo Halepo, saqueyando o palacio d'o Emir y prenendo 390.000 dinars d'argent, 2.000 camellos y 1.400 mulas, a lo mesmo tiempo que Leo Phokas y Marianos Argyros luitaban contra as incursions hongaras en os Balcans.
Categoría:Emperadors Bizantins Categoría:939 (naixencias) Categoría:963 (muertes)