A ilesia d'o Salvador de Luesia ye una ilesia adedicata a Chesús de Nazaret en a suya vertient d'o Salvador, que se troba situata en o casco viello d'o municipio aragonés de Luesia, en a comarca de Cinco Villas y partiu chudicial d'Exeya d'os Caballers. Pende d'a diocesi de Chaca y d'a provincia eclesiastica de Pamplona y Tudela.
Ye un edificio en estilo romanico, d'o sieglo XI, que se troba a o piet d'o castiello de Luesia, en o cobalto d'a localidat. A parte mas antiga d'a ilesia ye a suya cabecera, con tres absides semicirculars con una doble cripta; as suyas tres naus son d'o sieglo XII y as suyas fronteras meridional y occidental son d'o sieglo XIII, posible obra d'un mayestro, dito Mayestro d'Agüero por os suyos treballos en l'amanata localidat oscense d'Agüero.
Actualment, a ilesia ye protechita legalment por o Gubierno d'Aragón con a suya declaración como Bien d'Intrés Cultural dende 2007. Texto en o BOA d'a declaración d'a ilesia d'o Salvador de Luesia como Bien d'Intrés Cultural.
Referencias
Salvador de Luesia Salvador de Luesia Salvador de Luesia Luesia Salvador de Luesia Salvador de Luesia Ilesia d'o Salvador de Luesia Ilesia d'o Salvador