Niceforo estió emperador de l'Imperio Bizantín dende 802 dica o 26 de chulio de 811. Ye naixito en 765 de Seleucia de Pisidia y morió o 26 de chulio de 811 en Plisca. En o "Libro d'os Emperadors" parlan ya de Niceforo en o capítol dedicato a Irene y o suyo fillo Costantín, cuan exerceba de Ministro de finanzas, y li dedican un capítol a lo suyo mandato: "Aquí favla del imperio de Nicoforo Logotechi", errata de Logoteti.
Niceforo como ministro de finanzas Yera un patricio de Seleucia Sidera. A mesma emperadriz Irene lo nombró ministro de finanzas. Con d'aduya d'os patricios y eunucos destronó a Irene y fue esleito emperador o 31 d'octubre de l'anyo 802. En o "Libro d'os Emperadors" lo contan asinas:
Mandato de Niceforo como emperador En o "Libro de los Emperadors" en comentan sobretot l'avaricia.
O suyo mandato fue amenazato por o cheneral Bardanes Tourkos, que dirichió una revuelta a la que s'unioron Miguel l'Amorián y o futuro León V l'Armenio. Esta revuelta fue esclafata en l'anyo 803.
Coronó a lo suyo fillo Estauracio co-emperador en l'anyo 803 tiempo dimpués d'esclafar a revuelta de Bardanes Tourkos.
No comentan en o "Libro de los Emperadors" a suya politica d'helenización en as zonas eslavas d'os Balcans. Trayó colons griegos d'Asia la Chica ta zonas en periglo de ser eslavizatas ya de pa cutio en arias ya recuperatas a man d'a muga con Bulgaria (Macedonya oriental, Tracia y Tesalonica). Tamién forachitó a los eslaus d'o Peloponiso occidental substituyindo-los por griegos exellatos d'esta rechión, on creyó o thema d'o Peloponiso (812). Tamién creyó o thema de Cefalonia (islas Chonicas).Miguel Ángel Ladero Quesada: Historia Universal-Edad Media Vol II. Ed Vicens Vives.
Amenazato por os abasís y os bulgaros, precisaba de grans sumas de diners pa enfortir o suyo poder militar, y dictó bellas mesuras pa augmentar os ingresos de l'imperio, como suprimir os privilechios fiscals d'o estamiento eclesiastico. Os impuestos rigurosos y as decisions impopulars en politica militar (como augmentar as cargas militars d'a chent d'a tierra y obligar a los soldatos probes a enrolar-sen estando sufragatos por os suyos vecins) li daron como resultato a enemistat d'os suyos subditos, en especial o clero. Niceforo I prebó de controlar a este estamiento.
Cuan morió o califa Harún al-Raixid en l'anyo 809 a luita por a succesión li deixó as mans libres pa luitar contra os bulgaros, que fustigaban os territorios bizantins d'a muga norte y chusto remataban de conquerir Serdica (actual Sofía). En l'anyo 811 os bizantins invadioron o territorio d'os bulgaros y saqueyoron a suya capital Plisca.
Pero os bulgaros contraatacoron vencioron y matoron a l'emperador:
O suyo fillo Estauracio fuyió ferito:
O Khan bulgaro Crumo se fació una copa con o suyo cranio:
En o "Libro de los Emperadors" rematan de parlar de Niceforo con liccions y divagacions moralizants:
Bibliografía Miguel Ángel Ladero Quesada: 'Historia Universal, Edad Media''. Vicens Vives
Referencias
Categoría:Emperadors Bizantins Categoría:765 (naixencias) Categoría:811 (muertes)