La sierra de Cucalón ye una sierra de dirección N-S de lo Sistema Iberico que da nombre a la serranía de Cucalón y se distribuye principalment por lo termin municipal de Cucalón (Teruel), con vertients en los termins de Lagueruela, Beya, Badenas y lo sector de Loscos correspondient a Perafita.
Altarias La principal altaria ye la Modorra de Cucalón, con 1.478 metros d'altaria.
Hidrolochía La vertient oriental ye desauguada por lo ret fluvial de lo río Nogueta, la vertient occidental y septentrional lo fa a traviés de lo ret de La Uerva, que naixe en la sierra d'Orich. Adintro de la sierra de Cucalón naixe lo río Lanzuela, tributario de la Uerba.
Cheolochía Los materials predominants son calsineras de lo Cretacio con capuzamiento enta lo sud-ueste y cabalgando a los sallagons y chesos de lo Triasico de Perafita.
Estructuralment ye un sinclinal pendiu con lo costau oriental fallau y arrasau. José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984. p 96-100.
Referencias
Bibliografía J. Vilá Valentí, Lluís Solé Sabarís, Manuel Terán: Geografía general de Espanya. Ariel Geografía. 1194. Julio Muñoz Jiménez, Concepción Sanz Herráiz: Guía Física de España. 5 Las Montañas. Alianza Editorial, 1995.
*