As parolas «escurpión» y «escorpión» reendrezan enta esta pachina. Ta veyer altros usos d'ixe termin se veiga escurpión (desambigación).
Os arraclansCon as variants arraclau, arriclán, alacrán y allacrán. (de l'arabe < al-’áqrab Ana Leiva Vicén:Léxico aragonés de Antillón (Huesca). Análisis lingüístico (II). Alazet: Revista de Filología Nº 16, 2004, pp. 67-174, ISSN 0214-7602) u escurpionsCon as variants escarpión, escorpín, escurpín y escorpión. (d'o griego σκορπίος, ) son una orden d'animals artropodos queliceratos que tienen os pedipalpos modeficatos fendo forma d'estenazas, y un fizón en l'extremo posterior d'o metasoma (apendiz caudal de l'extremo de l'opistosoma -no ye una coda verdatera-). Se'n conoix cuasi 1500 especies vivas en l'actualidat, y mas de 100 especies fósils y se'n puede trobar arredol d'o mundo, en os cinco continents con excepción de l'Antartida y Groenlandia. O suyo nombre popular en Aragón ye "arraclans" (u las suyas variants) con a mayor frecuencia, estando las formas "escorpión" y "escurpión" muit puntuals en as parlas patrimonials. VIDALLER TRICAS, Rafel: Libro de As Matas y Os Animals; Dizionario aragonés d'espezies animals y bechetals, Edicions Val d'Onsera, Zaragoza 2004. .
Descripción Totas as especies en a orden Scorpiones son depredaderas, ixo ye, que cazan altros invertebratos. Como toz os Chelicerata, os arraclans tienen os uellos muit simples y poco funcionals (dica se'n conoix especies ciegas) y s'orientan a traviés d'un sentido mecanotactico (pareixito a lo tacto) y los suyos organos perceptors son os tricobotrios, "pelos" chicoz que detectan con muita finura las mimbracions de l'aire y d'o suelo. Os arraclans cazan a la guaita, ixo ye, aguardando que a presa pase per a on que ellos se troban, y alavez la prenen con as estenazas (pedipalpos) y le inoculan o vereno con o fizón que tienen en o telson (extremo caudal d'o metasoma).
Como a mayoría d'artropodos, os arraclans no tienen verdaderas piezas bucals masticaderas, per lo que no pueden si que aplicar una somera disgregación mecanica en os teixitos d'a suya presa en estricallando-la con os queliceros, que como en a mayoría d'os casos a presa gosa estar bel altro artropodo, ixo se traduz en fer-le un forato en l'exoesqueleto per a on que inchectar-le os sucos gastricos ta dicherir-la parcialment in situ y dimpués xurber-ne el que se pueda, ya en estato liquido u semiliquido.
O vereno d'os arraclans ye prencipalment neurotoxico, bloqueyador d'as bombas de sodio y potasio y d'os canals de calcio (que son a clau d'o funcionamiento d'as celulas excitables; neuronas y celulas musculars), tot ixo ta paralizar a presa. En Europa no se i ha descrito garra especie letal ta l'hombre, anque a especie mas frecuent en as arias mediterranias d'o continent (incluyindo-se lo Pireneu), Buthus occitanus, tiene una fizada muit dolorosa dica cara a os adultos. Existen especies de verenos mortals en Africa, Asia y os sectors tropicals d'America. A función neurotoxica d'o vereno d'os arraclans tamién fa que si se superan os sintomas carateristicos no deixe guaire mas secuelas.
Ditos y mazadas «Si te ciza l'arraclán, ya no comerás mas pan» Fernando Sánchez Pitarch, Guillermo Tomás Faci: Replega de tradizión oral agüerana, Luenga & Fablas 10, Consello d'a Fabla Aragonesa, 2006, ISSN 1137-8328, pp. 33-61.
Se veiga tamién Artropodo Chelicerata
Notas
Referencias
Vinclos externos
*