Os corsos (en corso corsi, en francés corses) son os habitants nativos de Corcega. Son uns 250.000 habitants y charran un romance italico pareixito a lo toscano pero standardizato como una luenga propia. A mayoría son catolicos. Muitos corsos emigroron u han emigrato recientment ta Italia, Francia u as antigas colonias de Francia.
Modo de vida tradicional Bi ha poblatos de chent sedentaria y poblatos de chent transhumant.
Organización social Bi ha familias extensas, unas relacions economicas, socials y politicas dirichitas por o clientelismo. A vendetta ye tipica d'a sociedat tradicional corsa, y encara que no en ye exclusiva, los ha feito famosos en Francia.
Historia Encara que os reis d'a Corona d'Aragón se proclamaban reis de Corcega, nunca no han dominato de verdat a isla. A Republica de Chenova ha tenito mes control sobre os corsos que no atros estaus. Dende 1768 Corcega pasó a depender de Francia. O estau francés acabó con a piratería en Corcega. En a revolución francesa Corcega quedó mes vinculada a Francia, y estió o corso Napoleón Bonaparte qui prenió o poder dimpués en Francia. En o sieglo XIX os corsos que quereban puyar socialment emigraban u s'alistaban en l'Exercito francés. Muitos participoron en a expansión colonial francesa, y centenars de mils emigroron t'Alcheria. Cuan os corsos emigratos fuoron repatriatos en a decada de 1960 Corcega se modernizó.
En l'actualidat as actividaz tradicionals de l'interior son en crisi y o turismo se i desembolica. Se produce un cambio cultural que se denuncia como "colonialismo interno" y bi ha un nacionalismo con una versant terrorista. En a decada de 1980 o gubierno francés atorgó una amnistía y una devolución de poders a las organizacions rechionals. L'autonomía corsa fue ixamplata en 1991.
Referencias
Corsos famosos Napoleón Bonaparte, politico y militar. Pasquale Paoli, politico, militar y patriota. Laetitia Casta, modelo.
* Categoría:Pueblos latinos Categoría:Etnias de Francia