Fraella ye un lugar aragonés en l'actual termin municipal de Granyén, en a comarca d'os Monegros y provincia de Uesca. Web adedicada a Fraella
Toponimia Carlos Laliena Corbera interpreta este toponimo a partir de l'antroponimo gallego Fruilla y se sabe que bi heba un personache dito asinas a lo servicio de Pero I d'Aragón. Carlos Laliena Corbera Mundos medievales. Espacios, sociedades y poder : homenaje al profesor José Ángel García de Cortázar y Ruiz de Aguirre Universidad de Cantabria, 2012 , pachina 649. Atra interpretación ye a partir d'o latín FRAGUA, que da en aragonés farga, y que iría acompanyada d'un diminutivo.
Manimenos en a Peninsula Iberica bi ha diferents toponimos derivaus de FRAGUM ("terreno abrupto", "puesto con penyas", "puesto con muita vechetación") u d'o suyo plural neutro FRAGA Álvaro Galmés de Fuentes Los topónimos: sus blasones y trofeos (la toponimia mítica), Madrid, Real Academia de la Historia, 2000, p. 142. A forma medieval Frayella ye explicable como una forma con diminutivo -iella dende o plural neutro FRAGA; a forma actual ye explicable como una perdua d'a epentesi antihiatica que no siempre se representa en aragonés medieval u que se pierde en o proceso de castellanización. En Galicia bi ha bels toponimos y microtoponimos con a parola Fraguela, que derivan de FRAGA a traviés un diminutivo, José Álvaro Porto Dapena Estudio toponímico del ayuntamiento galledo de Cedeira (España) Revista: Thesaurus,: 1985, 40 (3) pp 508-532 ISSN: 0040-604X y serían os cognatos de Fraella: FRAGELLA > Frayiella > Fraella.
Cheografía Amán de Fraella ye a Serreta de Fraella y o parache d'Os Torrollons, con interesants formas erosivas.
Historia Seguntes Agustín Ubieto Arteta, a primer cita d'o lugar ye de 1097, recullita en a obra de su chirmano Antonio Ubieto Arteta Colección diplomática de Pedro I de Aragón y de Navarra (Zaragoza, 1951), y documenta as variants Fraella, Frahella, Fragiella, Frayello y Frayellya. Ubieto Arteta, Agustín: Toponimia aragonesa medieval, Valencia, 1972, pachina 98.
Referencias
Categoría:Lugars d'a provincia de Uesca Categoría:Lugars de Granyén