Michael Caine, naixiu de Londres (Anglaterra, Reino Uniu) o 14 de marzo de 1933, ye un actor y productor cinematografico britanico, con una destacada presencia en o cine britanico y en o cine estausunidense dende prencipios d'os anyos 1950 y con cuantos premios recibius mientres a suya carrera cinematografica.
D'entre a suya filmografía, se puet destacar as cintas Alfie (1966, Lewis Gilbert), Zulu (1969, Cy Endfield), Battle of Britain (1969, Guy Hamilton), The Last Valley (1970, James Clavell), Sleuth (1972, Joseph L. Mankiewicz), A Bridge Too Far (1974, Richard Attenborough), Escape to Victory (1981, John Huston y Robert Riger), Educating Rita (1983, Lewis Gilbert), Hannah and Her Sisters (1986, Woody Allen), Dirty Rotten Scoundrels (1988, Frank Oz), Little Voice (1998, Mark Herman), The Cider House Rules (1999, Lasse Hallström), u The Quiet American (2002, Phillip Noyce).
Premios En 1986, l'actor Michael Caine recibió o Premio Oscar a o Millor Actor Segundario por a suya intepretación en Hannah and Her Sisters, una cinta dirichida por Woody Allen.
Michael Caine fue nominau en 1966 a o Premio Oscar a o Millor Actor por o suyo papel en a cinta Alfie, de Lewis Gilbert; tamién fue nominau a ixe mesmo premio en 1972 por a suya interpretación en Sleuth, dirichida por Joseph L. Mankiewicz; y recibió una tercera nominación a ixe premio por o papel representau en Educating Rita, una cinta dirichida por Lewis Gilbert.
Antiparte, en 1998 recibió lo suyo segundo Premio Oscar a o Millor Actor Segundario por a suya interpretación en The Cider House Rules, una cinta dirichida por Lasse Hallström.
Se veiga tamién Cintas interpretadas por Michael Caine.
Vinclos externos
Pachina web oficial de Michael Caine. Michael Caine en Internet Movie Database.
Categoría:Actors d'Anglaterra Categoría:Naixius de Londres Categoría:Nominau a o Premio Oscar a o Millor Actor Categoría:Premio Oscar a o Millor Actor Segundario Categoría:Premio d'o Cine Europeu a o Millor Actor Categoría:Productors cinematograficos d'Anglaterra Categoría:1933 (naixencias)