Chuan II Ferrández d'Íxar y Cabrera estió lo seteno sinyor d'Íxar y fue nombrato duque por los Reis Catolicos lo 16 d'abril de 1483, convertindo-se en lo I duque d'Íxar.
Se casó con Caterina de Beaumont y tenioron seis fillos.
Dio refirme a lo prencipe de Viana y a los catalans sublevatos contra Chuan II d'Aragón, prenendo Aliaga, Castellot y Alcanyiz. Manimenos cambió de bando y fue recompensato por Chuan II con lo condau d'Aliaga en 1465 y la sinyoría de Castellot. Manimenos en lo testamento de lo rei figuraba que estos territorios serían tornatos a la Orden de lo Hespital, l'anterior propietaria.
A la muerte de lo rei i habió un pleito con la Orden de lo Hespital, y como resultato la orden recuperó Aliaga y Castellot. Chuan Ferrández d'Íxar demandó una compensación a Ferrando lo Catolico por los suyos servicios a la corona, y fue nombrato duque, y lo 10 d'octubre de 1487 recibió lo títol de duque d'Aliaga.
Bibliografía Demelsa Ortiz Cruz: El señorío, luego ducado de Híjar. Cuadernos del Ducado de Híjar 1: El Legado cultural. 2008. Archivo Ducal de Híjar.
Categoría:Duques d'Aliaga Categoría:Duques d'Íxar Categoría:Nobles d'Aragón Categoría:Sinyors d'Íxar Categoría:1491 (muertes)