Chuan Ferrández d'Íxar y Centelles l'orador, naixiu en lugar y calendata desconoixius y muerto en 1456 en Íxar, estió lo seiseno sinyor d'Íxar, entre los anyos 1400 y 1456. Estió erudito y teneba facilidat de palabra. Baixo lo suyo mandato s'escribió un "cancionero", una compilación de romances. A lo prencipio yera partidario de Chaime d'Urchel, pero dimpués colaboró con Ferrando I d'Aragón. Estió embaixador, consellero y mayordombre d'Alifonso V lo Magnanimo.
Estió embaixador d'o rei amán de l'emperador Sechismundo y d'o Concilio de Gostanza en 1414. En 1415 o rei li demanda que retorne de Gostanza pa que lo informase y li acomanda que chestione la entrevista de Sechismundo y d'o papa Benedet XIII.
O 28 de marzo de 1420 Chuan Ferrández d'Íxar y Centelles y cinco consellers obligan a renunciar a lo chusticia Chuan Ximénez Cerdán y ye nombrau don Berenguer de Bardaxí.
En l'anyo 1421 manda en cabo l'exercito d'Aragón en a campanya d'Italia reducindo a rechión de Calabria y conquerindo Nicastro y Melito. Fue nombrato virrei y duque de Calabria.
O 19 de noviembre de 1428 acompanya a lo rei a las Corz de Teruel y ye nombrau deputau.
O Magnanimo li donó Binaceit y en 1431 li cedió Lecera por compra. En l'anyo 1432 Alifonso V li vendió a part de Belchit que no li pertanyeba por 16.000 florins. En o suyo mandato a casa d'Íxar se convertió en una d'as casas nobles mes importants d'Aragón.
En o suyo testamento mostraba satisfacción por os suyos logros:
Bibliografía Demelsa Ortiz Cruz: El señorío, luego ducado de Híjar. Cuadernos del Ducado de Híjar 1: El Legado cultural. 2008. Archivo Ducal de Híjar Mariano Laborda: Recuerdos de Híjar. Editau por lo Centro de Iniciativas Turísticas del Cuadro Artístico de Híjar, 1980.
Categoría:Diplomaticos d'Aragón Categoría:Muertos en Íxar Categoría:Nobles d'Aragón Categoría:Sinyors d'Íxar Categoría:1456 (muertes)