Iste articlo ye sobre un fisico chermano-estausunidense; ta l'actor suizo, se veiga Otto Stern (actor).
Otto Stern, naixiu de Sohrau (Silesia, Reino de Prusia, hue Polonia) o 17 de febrero de 1888 y muerto en Berkeley (California, Estaus Unius) o 17 d'agosto de 1969, estió un fisico y profesor universitario estausunidense d'orichen alemán. Por as suyas investigacions, Otto Stern recullió o Premio Nobel de Fisica en 1943.
Biografia Naixiu lo 17 de febrero de 1888 d'a ciudat de Sohrau, estudió Fisica en a Universidat de Wrocław y, posteriorment, estió nombrau profesor en a Escuela Tecnica de Zúrich, de Frankfurt d'o Main y d'Hamburgo. En 1933 dimitió como profesor d'ixa zaguera Universidat y se tresladó ta os Estaus Unius, en do obtenió o cargo de profesor d'investigación en fisica en l'Instituto Carnegie de Tecnolochía, hue Universitat Carnegie Mellon, en Pittsburgh, Pennsilvania.
Otto Stern morió o 17 d'agosto de 1969 en Berkeley, ciudat en do heba fixau a suya residencia en os Estaus Unius.
Investigación cientifica Intresau en o magnetismo, calculó lo momento magnetico de l'atomo d'archent, y las suyas investigacions sobre lo protón li permitión de descubrir que lo momento magnetico d'iste teneba una valura 2,5 vegadas mas gran que lo predito por a teoría de Paul Dirac.
L'anyo 1943 se li atorgó lo Premio Nobel de Fisica por os suyos estudios sobres os faixos moleculars, as propiedaz magneticas d'os atomos y lo descubrimiento d'o momento magnetico d'o protón en una serie d'experimentos realizaus en colaboración con Walter Gerlach, y conoixius como l'experimento de Stern-Gerlach.
Vinclos externos
Pachina de l'Instituto Nobel, Premio Nobel de Fisica 1943.
Categoría:Alumnos d'a Universidat de Wrocław Categoría:Fisicos d'Alemanya Categoría:Fisicos d'Estaus Unius Categoría:Muertos en Berkeley (California) Categoría:Naixius de Sohrau Categoría:Premios Nobel de Fisica Categoría:1888 (naixencias) Categoría:1969 (muertes)