Hasemania nana (Lütken, 1875) ye una especie de peix d'augua dulce d'a familia Characidae, nativo de ríos y rigachuelos tropicals de Sudamerica.
Descripción Ye un peix pelachico d'augua dulce, que habita en ríos y rigachuelos d'America d'o Sud, especialment en a cuenca d'o río Amazonas y os suyos afluents. Hasemania nana, consultau lo 16 d'agosto de 2018. Vive en bandas.
Os adultos mesuran bels 2,7 centimetros de largaria media, Hasemania nana, consultau lo 16 d'agosto de 2018. anque muitos eixemplars en buenas condicions pueden creixer dica os 5 centimetros. Hasemania nana, consultau o 16 d'agosto de 2018.
O cuerpo ye prolargau, fusiforme, y comprimiu lateralment como en a mayoría de caracidos. Tiene os musclos translucidos, como tamién pasa en atras especies de Tetra, y se veye a traviés d'o suyo cuerpo, podendo-se diferenciar bien o paquet visceral en o sector toracico, de color mas iridescent.
Predomina la color narancha (como l'arambre, d'astí ixe nombre) en o cuerpo, con una linia lateral marcada de color narancha viva y una malla negra en a base d'a coda. Tiene dos alveolos amarilliscos a canto y canto d'a coda, en a base d'os suyos dos lobulos. En todas as aletas a color narancha ye mas viva que en o cuerpo, y rematan con una taca blanca en a punta (que le vale o suyo nombre coloquial en os países anglosaxons; «silvertip tetra», literalment "tetra de puntas de plata").
Como todas as especies d'o chenero Hasemania, no presenta aleta adiposa, que ye una caracteristica por demés definidera d'a familia d'os caracidos. Se tracta por tanto d'una singularidat sinapomorfica d'iste chenero no tener-ne.
No tiene un dimorfismo sexual guaire aparent. Os masclos pueden apareixer con a punta de l'aleta anal mas blanca que as fembras, as cuals a tendrían mas amariella. Hasemania nana. Consultau lo 17 de febrero de 2010.
Hábitat Ye un peix d'augua dulce propio de ríos y rigachuelos de Sudamerica. En i ha en as cuencas d'o río Purús, o río São Francisco y l'Amazonas, en l'amazonia brasilera.
Tiene costumbres pelachicos y gosa vivir en bandas numerosas en auguas lempidas, pero tamién en as turbias. De regular, se'n troba en zonas de corrient no masa fuerte y con buena cosa de plantas acuaticas entre as cuals pueda acubillar-se.
Amenista auguas d'entre 6 y 7 puntos de Ph, acidas, con una dureza Gh d'entre 4 y 8 ºd (augua tova, con pocos carbonatos), como corresponde con a mayoría d'auguas de selva, en o suyo hábitat natural. Ista especie interpreta la baixada d'a dureza de carbonatos (Gh) d'o suyo medio como un indicador d'a creixida estacional d'os cursos d'augua, que pa os peixes tropicals gosa significar l'arribada d'a estación d'abundancia. S'ha descrito que una dureza Gh d'entre 1 y 4 ºd podría actuar como un desencadenador d'a frega en Hasemania nana.
Imáchens
Referencias
Vinclos externos
Nana Categoría:Peixes d'acuario d'augua dolza Categoría:Fauna d'America