Harold Russell (nombre artistico de Harold John Russell), naixito de North Sydney (Nueva Escocia) o 14 de chinero de 1914 y muerto en Needham (Massachusetts, Estaus Unius) o 29 de chinero de 2002, estió un ciudadán estausunidense d'orichen canadiense.
Encara que yera naixito de Canadá, se tresladó a Massachusetts (Estaus Unius) en 1933, y dimpués d'o ataque a Pearl Harbor por o Chapón contra os Estaus Unius, Russell s'alistó en l'Exercito estausunidense. En 1944 sufrió un accident mientres paraba materials, y Harold sufrió a perdua d'as suyas dos mans. Mientres a suya rehabilitación, rodó una chicota cinta cuan estudeyaba en a Universidat de Boston t'amostrar a rehabilitación de veterans de guerra, y o director William Wyler, qui veyió a cinta, li ufrió un papel en The Best Years of Our Lives. Sindembargo, encara que a cinta estió un exito, Harold Russell mai no tornó a rodar una cinta con papels destacatos.
Premios Harold Russell recibió o Premio Oscar a o Millor Actor Segundario en 1946 por a suya interpretación en a cinta The Best Years of Our Lives, dirichita por William Wyler.
Vinclos externos Harold Russell en IMDb.
Categoría:Premio Oscar a o Millor Actor Segundario Categoría:Actors de Canadá Categoría:Actors d'Estaus Unius Categoría:Actors de Hollywood Categoría:Militars d'Estaus Unius d'a Segunda Guerra Mundial Categoría:Naixius de Nueva Escocia Categoría:1914 (naixencias) Categoría:2002 (muertes)