Elizabeth Taylor u Liz Taylor, (nombre artistico d'Elizabeth Rosemond Taylor), naixida de Londres (Anglaterra) de pais estausunidenses o 27 de febrero de 1932 y muerta o 23 de marzo de 2011 en Los Angeles (California, Estaus Unius), Muere Elizabeth Taylor, en o Diario del AltoAragón. estió una actriz estausunidense, activa en o cine estausunidense dende primerías d'os anyos 1940. Liz Taylor debió una parte d'a suya celebridat a la suya achitada vida social y amorosa, pero a suya trachectoria actoral ye de gran valor per ella mesma corroborada per cuantos premios importants recibius mientres a suya carrera cinematografica.
D'entre a suya ampla filmografía, se puet destacar as suyas interpretacions en bellas cintas, como por eixemplo Giant (1956, George Stevens), Raintree County (1957, Edward Dmytryk), Cat on a Hot Tin Roof (1958, Richard Brooks), Suddenly, Last Summer (1959, Joseph L. Mankiewicz), BUtterfield 8 (1960, Daniel Mann), Cleopatra (1963, Joseph L. Mankiewicz), Who's Afraid of Virginia Woolf? (1966, Mike Nichols), u Hammersmith Is Out (1972, Peter Ustinov).
Premios L'actriz Elizabeth Taylor recibió en 1960 un premio Oscar a la Millor Actriz por a suya interpretación en a cinta BUtterfield 8, dirichita por Daniel Mann. Recibió o suyo segundo Oscar a la Millor actriz en 1966 por o suyo papel de Martha en Who's Afraid of Virginia Woolf?, una cinta dirichita por Mike Nichols.
Tamién recibió o Globo d'Oro a la Millor Actriz Dramatica en 1959 por a suya interpretación en a cinta Suddenly, Last Summer, o Premio Cecil B. DeMille de 1985 y o Premio BAFTA d'Honor por a suya trachectoria profesional como actriz, amás d'o BAFTA a la Millor Actriz de 1966 por Who's Afraid of Virginia Woolf?.
Se veiga tamién Cintas interpretadas por Elizabeth Taylor.
Vinclos externos
Elizabeth Taylor en Internet Movie Database. Elizabeth Taylor en Internet Broadway Database. Elizabeth Taylor en Turner Classic Movies.
Referencias
Categoría:Actrices d'Estaus Unius Categoría:Actrices de Hollywood Categoría:Muertos en Los Angeles Categoría:Naixius de Londres Categoría:Premio Oscar a la Millor Actriz Categoría:1932 (naixencias) Categoría:2011 (muertes)