Wilhelm Mohnke, naixito de Lübeck (Imperio Alemán, hue Alemanya) o 15 de marzo de 1911 y muerto en Damp (Schleswig-Holstein, Alemanya) o 6 d'agosto de 2001, estió un militant d'o Nationalsozialistische Deutsche Arbeiterpartei d'Adolf Hitler, fendo parte d'as Schutzstaffel (SS) y d'a Waffen SS. Dentró en a guardia personal d'o dictador, estando uno d'os suyos primers 120 miembros orichinals, y cuan ixa unidat se convertió en a 1ª División SS Leibstandarte SS Adolf Hitler, plegó a mandar-la en a luita, plegando dica o ran de SS-Brigadeführer y Generalmajor der Waffen-SS y partecipando en cuantas batallas d'a Segunda Guerra Mundial, dica rematar en a Batalla de Berlín en os zaguers días d'o Tercer Reich, cuan estió uno d'os zaguers en albandonar o bunker de Hitler en la setiata ciudat de Berlín en mayo de 1945. En rematar a guerra, fue engarcholato en a Unión Sovietica, y mai no fue chuzgato por as actividaz d'as suyas tropas en o Frent Occidental, a on se l'acusa d'estar responsable de mortaleras de presoners de guerra angleses en 1940 mientres a batalla de Francia, canadienses en 1944 mientres a batalla de Normandía y estausunidenses en 1945 mientres a batalla d'as Ardenas.
Categoría:Cruz de Caballero d'a Cruz de Fierro Categoría:Militars d'Alemanya d'a Segunda Guerra Mundial Categoría:Muertos en Schleswig-Holstein Categoría:Naixius de Lübeck Categoría:Waffen SS Categoría:1911 (naixencias) Categoría:2001 (muertes)