Bual (Bual en gallego local;Nomenclátor de entidades de población de Asturias 2008, Sociedad Asturiana de Estudios Económicos e Industriales. Boal en gallego normativo y castellano) ye un concello situau en a comunidat autonoma uniprovincial d'o Prencipau d'Asturias, en a comarca de l'Eo-Navia y partiu chudicial de Valdés. A suya capital ye o lugar homonimo de Bual, en a parroquia de Bual.
A suya población ye de 1.863 habitants (2011) en una superficie de 120,28 km², con una densidat de población de 16,96 hab/km².
Cheografía A localidat de Bual ye situada en a zona occidental d'Asturias, y a suya capital ye situada a 450 metros d'altaria sobre lo livel d'a mar. Bual ye o lugar d'a cabecera d'a val d'o Navia.
A construcción d'os entibos de Doiras y Arbón en a val d'o río Navia fació que rematasen con a pesca d'o salmón que poblaba istas auguas. Agora tansament n'eslampa beluno por a parti baixa d'o río.
En l'actualidat interpresas de turismo d'aventuras sacan treslau d'as auguas entibadas fendo piragüismo entre a belleza d'as gleras y espalders d'ista val.
O concello de Bual ye dividiu en siete parroquias: Bual. Castriyón. Doiras. Llebredo. A Ronda. Rozadas. Serandías.
Mugas O termin municipal de Bual muga a lo norte con El Franco y Coaña, a lo sud con Eilao, a l'ueste con Castropol y a l'este con Villallón.
Luengas y parlas En Bual se charra gallego. A parla gallega de Bual y de cuasi tota a comarca de l'Eo-Navia recibe a denominación d'Eonaviego y presenta caracters transicionals enta l'asturiano occidental.
O dominio lingüistico "eonaviego" (asturiano-gallego) ye causa de disputas entre as academias galega y asturiana d'a luenga. Mas que mas, dende a creyación d'ista zaguera. A realidat ye que en dentrar en a val d'o río Navia ye bien perceptible o cambio de dominio, a ran toponimico, oral y de concienciación.
Demografía
Grafica de población Fuent: Instituto Nacional de Estadística de Espanya
Administración Alcaldes Lista d'alcaldes Lechislatura Nombre Partiu politico1979–1983 José Manuel Pérez Álvarez Unión de Centro Democrático1983–1987 Ana Mercedes Fernández Riopedre Partido Socialista Obrero Español1987–1991 Ana Mercedes Fernández Riopedre Partido Socialista Obrero Español1991–1992 Ana Mercedes Fernández Riopedre Partido Socialista Obrero Español1992–1995 María Fidelina Pérez Díaz Partido Socialista Obrero Español1995–1999 Ramón García Argüelles Motto Partido Popular1999–2003 José Antonio Barrientos González Partido Socialista Obrero Español2003–2007 José Antonio Barrientos González Partido Socialista Obrero Español2007–2011 José Antonio Barrientos González Partido Socialista Obrero Español Fuent: Federación Asturiana de Concejos
Referencias
Vinclos externos
Pachina web municipal de Bual.
Categoría:Localidaz d'Asturias