A mar d'Irlanda (Irish Sea en anglés, Muir Éireann en irlandés, Môr Iwerddon en galés) ye una mar de l'Oceano Atlantico, que desepara a isla de Gran Bretanya a l'este d'a isla d'Irlanda a l'ueste. Con una superficie d'alto u baixo 104.000 km², se comunica a o nord-ueste con l'Oceano Atlantico por meyo d'a dita canal d'o Norte, y con a mar Celta a o sud por meyo d'a canal de Sant Chorche. A isla mas important que se hi troba ye a isla de Man.
Economicamente tién una gran importancia en a suya aria d'influencia per as suyas actividaz d'intercambio rechional, embarque, transporte, pesca y cheneración d'enerchía eolica y nucleyar. I hai habiu una larga controversia sobre a construcción d'un túnel de 80 km que connectaría Anglaterra con Irlanda; o trafego anyal entre as dos islas ye de mas de 12 millons de pasachers y 17 millons de toneladas d'intercambio de mercancias.
Vinclos externos
*