O Pasau imperfecto de subchuntivo en aragonés substituye a lo present de subchuntivo en tiempo pasau.
Formas Persona 1ª Conchugación 2ª Conchugación 3ª Conchugación 1ª Sing. Aduyase Debese Partise 2ª Sing. Aduyases Debeses Partises 3ª Sing. Aduyase Debese Partise 1ª Plur. Aduyásenos Debésenos Partísenos 2ª Plur. Aduyásez Debésez Partísez 3ª Plur. Aduyasen Debesen Partisen
Variants En l'aragonés de Sobrarbe a primera y tercera personas no rematan en vocal: partís, aduyás, etc... Esta forma se troba muito a sobén en aragonés medieval, por eixemplo en a "Cronica de Sant Chuan d'a Penya" y en o "Libro de los Emperadors". Bel autor l'ha feito servir en aragonés común, encara que de traza minoritaria.
Uso Se fa servir en oracions condicionals: Si me pagases bien te tractaría millor
O "imperfecto condicional" ye l'uso d'o pasau imperfecto de subchuntivo en una clase d'oracions condicionals en aragonés sin de conchunción condicional, por un regular omitindo a conchunción condicional si: Feses la fayena be, no yería que tornà-la a fè (benasqués). José Antonio Saura Rami: Elementos de fonética y morfosintaxis benasquesas. Gara d'Edizions, Institución Fernando el Católico, 2003. pp 298 Venises cuan se te grite, no te calríe queixà dispués (benasqués). Demanasets lo que ye de ragón, us ue consederían (benasqués). Ises por la noche, el trobarías lleno de mixons (baixo-ribagorzano). Maria Luisa Arnal Purroy: El habla de la Baja Ribagorza Occidental: Institución Fernando el Católico, 1998, p 421.
Referencias
Se veiga tamién Pasau imperfecto de subchuntivo
Categoría:Tiempos verbals en aragonés