O present de subchuntivo en aragonés fa parte de muitas oracions subordinadas.
Persona 1ª Conchugación 2ª Conchugación 3ª Conchugación 1ª Sing. Aduye Deba Parta 2ª Sing. Aduyes Debas Partas 3ª Sing. Aduye Deba Parta 1ª Plur. Aduyemos Debamos Partamos 2ª Plur. Aduyetc Debaz Partaz 3ª Plur. Aduyen Deban Partan
Os usos d'o present de subchuntivo en aragonés son pareixitos a los usos d'o present de subchuntivo en atras luengas neolatinas, pero ye un poquet menos corrient porque bi ha oracions subordinadas d'as que o verbo principal influi en o verbo subordinado que se resuelven con o infinitivo y no con o subchuntivo. Ye o caso d'as oracions con o verbo caler. No te cal correr. Compare-se con o castellano no es necesario que corras".
Un uso caracteristico ye cuan o verbo d'a oración subordinata expresa una accion no realizata, en oracions temporals con as conchuncions y locucions "dimpués (de) que", "cuan", etcetera:dimpués que marchés. (replegato en o Viello Sobrarbe).
Present de subchuntivo con función d'imperativo Cuan se quiere dar órdens u indicacions con cortesía en as que se considera que o imperativo ye masiau directo se fa servir o present de subchuntivo y como present vusté: aglore, den, creiga, frida, salgan. Brian Mott: El Habla de Gistain. Instituto de Estudios Altoaragoneses, 1989. p 74
O pronombre se puet posar debant: se siente vusté, se sienten vustés, se viengan vustés, s'aparten t'alto vustés.
Referencias
Bibliografía Brian Mott: El Habla de Gistain''. Instituto de Estudios Altoaragoneses, 1989.
Se veiga tamién Present de subchuntivo.
Categoría:Tiempos verbals en aragonés