Elena Gusano Galindo (Madrit, 1949) ye una escritora y dramaturga en aragonés ansotano. Licenciada en Sociolochía, ye filla de mai ansotana y pai fagotano, y conoixió l'aragonés d'a val d'Ansó por as mullers d'a suya familia.
Ye autora de Guisos y ditos en os fogarils d'antismás (2004), d'o relato Maiberal (2008), ganador d'o concurso de relatos curtos en aragonés "Luis del Val" organizau por o Concello de Sallén de Galligo, y de Yésica, un abrío d'agora (2010), que ye a primera obra de teatro escrita en aragonés ansotano y ha trunfau en as suyas representacions teatrals. Chunto a Juan Karlos López-Mugartza ha publicau l'articlo "As casas d'Ansó. Oiconimia d'a billa d'Ansó (Uesca, Aragón)" (Luenga & Fablas, 15-16, 2011-2012).
Categoría:Escritors d'Aragón Categoría:Escritors en aragonés Categoría:Dramaturgos d'Aragón Categoría:Naixius de Madrit Categoría:1949 (naixencias)