Se conoix con o nombre de Teatro d'operacions d'Europa y d'Africa d'o Norte a lo teatro d'operacions mientres a Segunda Guerra Mundial que s'estendilló por Europa, Africa d'o Norte y a mar Mediterrania y en o cual luitoron os Aliaus contra las Potencias de l'Eixe. As operacions militars en ixe teatro d'operacions prencipioron l'1 de setiembre de 1939 con a invasión de Polonia por a Wehrmacht d'o Tercer Reich, y rematoron o 8 de mayo de 1945 con a rendición d'o Tercer Reich a los representants militars d'o Reino Uniu, Francia, Unión Sovietica y Estaus Unius.
En iste teatro d'operacions bi habió los siguients frents:
Frent Oriental, con operacions militars en Polonia, Finlandia, Europa Central y Unión Sovietica. Frent Occidental, con operacions militars en Noruega, Países Baixos, Francia y Belchica. Frent d'a mar Mediterrania, con operacions militars en Africa d'o Norte, os Balcans, a mar Mediterrania, Italia y o sud de Francia. Tamién en fan parte as batallas aerias sobre o Reino Uniu y sobre a resta de territorios d'Europa Occidental.
Categoría:Teatros d'operacions mientres a Segunda Guerra Mundial