Tadeusz Bór-Komorowski, naixito de Lviv (Imperio Austrohongaro, hue Ucraína) l'1 de chunio de 1895 y muerto en l'exilio en Londres (Reino Uniu) o 24 d'agosto de 1966, estió un militar y politico polaco, que plegó a o ran de cheneral. Mientres a Primera Guerra Mundial luitó en as filas de l'Exercito austrohongaro, ta pasar a l'Exercito polaco cuan Polonia plegó a la suya independencia con o tractau de Versailles. Con l'Exercito polaco luitó en a Guerra polaco-sovietica contra l'Exercito Royo d'a Unión Sovietica, y tamién en a Segunda Guerra Mundial, a on luitó en a Campanya de Polonia contra la Wehrmacht d'o Tercer Reich. Dimpués se convertió en uno d'os dirichents d'a Resistencia polaca contra l'ocupación militar alemana, l'Armia Krajowa, y dirichió a Insurrección de Varsovia. En rematar a guerra, tamién estió Primer ministro d'o Gubierno polaco en o exilio, establito en Londres, dende 1947 dica 1949.
Vinclos externos
Categoría:Militars de l'Imperio Austrohongaro d'a Primera Guerra Mundial Categoría:Militars de Polonia d'a Guerra polaco-sovietica Categoría:Militars de Polonia d'a Segunda Guerra Mundial Categoría:Primers ministros de Polonia Categoría:1895 (naixencias) Categoría:1966 (muertes) Categoría:Naixius de Lviv