Chuan III de Polonia u Chuan III Sobieski u Chuan Sobieski (en polaco Jan III Sobieski), naixito d'Olesko (Rutenia, Republica d'as Dos Nacions) o 17 d'agosto de 1629 y muerto en Wilanów (Republica d'as Dos Nacions, hue Varsovia) o 17 de chunio de 1696, estió un Rei d'a Republica d'as Dos Nacions (Polonia-Lituania) dende o 21 de mayo de 1674 dica la suya muerte. Yera fillo de Jakub Sobieski y d'a suya muller Zofia Teofillia z Daniłowiczów.
Encara que o suyo reinau encomenzó en uns tiempos de grans destruccions sobretot por as guerras con os suecos, estió o zaguer rei de Polonia con cierto prestichio internacional. Por o tractau de Sorawno en 1676 Polonia habió d'aceptar a perdua de Podolia como feito consumato dimpués d'una invasión otomana anterior a lo suyo reinau.
Chuan Sobieski ye celebre por haber salvato Viena. Un exercito polaco dirichito por Sobieski en 1683 crebó o seche de Viena y fació fuyir a los otomans, vencitos en Kahlenberg. Dimpués Polonia, Austria y Venecia formoron a Santa Liga contra l'Imperio Otomán. Os polacos encara intervendrán en Hongría, Vlaquia y Podolia.
Vinclos externos
Categoría:Reis de Polonia Categoría:1629 (naixencias) Categoría:1696 (muertes)