La Bullonera estió un dugo activo sobre tot en os anyos 1970 que destacaba fendo canción protesta con versions de cancions folkloricas populars y unas letras cargadas d'ironía. O suyo nombre inicial yera Vientos del Pueblo, pero dimpués de bel cambio o nuclio formau por Javier Mestre y l'alcorisano Eduardo Paz quedoron como un dugo que prenió a palabra aragonesa bullonera como nombre.
O 6 de marzo de 1973 La Bullonera partició en a "1ª Semana de Cultura Aragonesa" fendo un recital de canción en o que actuoron por primera vegada chuntos collas y solistas de tot Aragón a més de La Bullonera: Tomàs Bosque, José Antonio Labordeta, Joaquín Carbonell y Renaixer. Estió o precedent d'un fenomeno d'atras actuacions conchuntas por tot Aragón y un treballo conchunto més comunitario d'os cantautors aragoneses.
O 9 de mayo de 1976 La Bullonera representó chunto con Labordeta a Aragón en o "Festival de los Pueblos Ibericos".
Dimpués d'o suyo disco Punto, de 1980 o dugo se deseparó, encara que en ocasions "La Bullonera" ha tornau a actuar y gravar cancions nuevas.
Discografía 1976: La Bullonera. 1977: La Bullonera 2. 1979: La Bullonera 3. 1980: La Bullonera. Punto. 1983: Del folklore aragonés: homenaje a Arnaudas. 2003: La Bullonera: Discografía básica.
Vinclos externos Vidio con a canción Venimos simplemente a trabajar Vidio con a Canción de la esperanza unida Vidio con a Jota de la libertad
Categoría:Grupos de musica d'Aragón Categoría:Cantautors d'Aragón