Lo Principet (en francés, Le Petit Prince) ye a obra mas conoixita d'Antoine de Saint-Exupéry. Publicato o 1943 en Nueva York, ye un cuento poetico y filosofico baixo l'aparencia d'un cuento ta ninos.
A historia narra a trobata entre un nino y un aviador, os dialogos que tienen y como istos fan replanteyar a vida a l'adulto. O libro ye ilustrato con debuixos d'o mesmo autor, que fan parti d'a narración y que son tanto u mas conoixitos que o cuento. Cada capítol recenta una trobada d'o prencipet que ye arrapato por o comportamiento absurdo d'as «personas grans». Cadaguna d'istas trobadas puet estar leyita como una alegoría.
O lenguache, simple, destinato a estar comprendito por os ninos, ye en realidat ta o narrador o vehíclo privilechiato d'una concepción simbolica d'a vida. As acuarelas, que fan parti d'o texto participan d'ista pureza d'o lenguache.
Se i puet leyer una invitación de l'autor a trobar o nino en si mesmo, ya que «totas as personas grans han estato en primeras ninos. (Pero pocas se'n remeran)».
A primera traducción ta l'aragonés, O Prenzipet, obra de Chusé Aragüés, obtenió l'accesit d'o Premio Arnal Cavero en l'anyo 1993. Mas de trenta anyos dimpués, en 2025, Chusé Raul Usón quita una nueva versión revisada en aragonés con o títol de Lo Principet adaptada a las nuevas grafías.
Se veiga tamién Os 100 libros d'o sieglo seguntes Le Monde
Vinclos externos Contraportalada d'a edición en aragonés. Lo Principet. Xordica editorial.
Categoría:Libros en francés Categoría:Obras traducidas ta l'aragonés Categoría:Libros de 1943