Los Pedrenyals ye un cantimplano con un gran afloramiento de pedrenya que s'estendilla principalment por los termins municipals de Zaila y Almochuel, plegando tamién a lo termin de Binaceit, encomenzando chusto en la marguin dreita de la ribera de lo río Aguas y chunto a l'antiga laguna de Los Sardones Altos. En lo suyo cabalto bi ha un vértiz cheodesico (Pedrenyal, con 320 m d'altaria).
Toponimia Lo toponimo Los Pedrenyales ye un aragonesismo, manimenos no conoixemos por textos medievals la forma chenuína en aragonés con plural en -ls, que debeba d'existir pero que la luenga escrita medieval no representaba.
La plana de Los Pedrenyals corresponde a las partidas de Pedrenyales y Pedrenyal en Zaila, Planos Altos de Pedrenyales y Ventorrillo en Almochuel, y Las Hoyas en Binaceit.
Curiosidaz La pedrenya ye d'orichen evaporitico, y ye acompanyada de calcedonia, malaquita, celestina, ametista, anhidrita, cheso y tyuyamunita.
Por un estudio petrografico s'ha puesto contrimuestrar que los habitants epipaleoliticos de lo chacimiento de Los Banyos d'Arinyo replegaban pedrenya d'este gran afloramiento. Borja Díaz Ariño, Raúl Elorza Álvarez de Arcaya, Alberto Mayayo Catalán: Prospecciones arquológicas en los términos municipales de Vinaceite (Teruel) y Almochuel (Zaragoza). Informe de la campaña de 2004. SALDUIE nº 5. 2005. pp. 271-293 Pdf sobre o chacimiento.
Referencias
Se veiga tamién Pedrenyal.
Vinclos externos Fotos de minerals de Los Pedrenyals. Pdf sobre lo chacimiento.
Categoría:Baixo Martín Categoría:Sierras d'a depresión d'Ebro Categoría:Chacimientos minerals d'Aragón