Sebastià-Daniel Arbonés Subirats, conoixiu profesionalment como Sebastià Darbó u Professor D'Arbó, ye naixiu de Tortosa (Baixo Ebro, Catalunya) lo 25 de noviembre de 1947.
Ye un psicologo, periodista, escritor, guionista, realizador de radio y televisión, director cinematografico, editor y productor. Ye especialment conoixiu por a suya labor de divulgación tanto en prensa escrita como en radio y televisión, de temas esotericos, ufolochicos u de fenomenos paranormals. Presentaba lo programa Catalunya Misteriosa en a Televisión Espanyola de Catalunya, programa que dimpués tenió una versión en TVE, pero con muita menor duración, en a que tamién presentó España mágica. En Andorra Televisión fació lo programa Pirineus màgics y partecipó en o programa En los límites de la realidad, d'Antena 3. Tamién ye lo presentador d'o programa Misteris en a radio RAC 1 y en 8TV en televisión, que tracta sobre suposaus feitos paranormals.
En os zaguers anyos ye l'organizador d'o festival Màgic Internacional que se celebra en Barcelona.
Filmografía 1980: Viaje al más allá: director, guionista y productor. 1982: El ser: director, guionista y productor. Sin bragas y a lo loco: productor. 1985: Acosada: director y guionista. 1986: Más allá de la muerte: director y guionista. 1989: Cena de asesinos: director.
Premios y honors Antena de Oro de TVE en 1970 por a serie Fauna. Premio Ondas a o millor programa de radio de 1975, por La otra dimensión, en a Cadena SER. Homenache en o Festival Internacional de Cine Fantastico de Sitges de 2009.
Vinclos externos Darbó Productions, S.L. - La Plataforma del Millennium. Màgic Internacional. Qui és Sebastià Darbó?.
Categoría:Directors cinematograficos de Catalunya Categoría:Escritors de Catalunya Categoría:Escritors en castellano Categoría:Escritors en catalán Categoría:Guionistas de Catalunya Categoría:Naixius de Tortosa Categoría:Periodistas de Catalunya Categoría:Productors cinematograficos de Catalunya Categoría:1947 (naixencias)