thumb|right|250px|Tabiella de bisaltos (Pisum sativum). A tabiella u tabella (d'o latín tabĕlla) ye lo fruito caracteristico d'as plantas leguminosas, que contiene cualques simients adintro d'una estructura vueda u semi-vueda mas larga que no ampla, unida en a planta con un pedunclo unico. Se desembolica a partir d'o chineceu d'a flor, que no tiene si que un carpelo, y cuan son maduras pueden ubrir-se en dos valvas simetricas por a comisura ventral u tamién por a dorsal, trobando-se as simients en una ringlera en posición ventral.
En bel lugar en o norte d'Aragón, encara se conserva la denominación tradicional de «tabelletas» u «tabilletas» (formas deminutivas de tabella) que s'aplica de maniera distintiva a las tabiellas inmaduras (verdes) d'a chodiguera domesticaCORONAS CABRERO, Mariano, Vocabulario aragonés de Labuerda-A Buerda (Sobrarbe); Prensas Universitarias de Zaragoza + Xordica Editorial. Zaragoza, 2007. (Phaseolus vulgaris) u o bisalto (Pisum sativum), tal como se gosa preparar-los pa l'alimentación humana. En atros puestos una tabiella puede estar cualsiquier atra leguminosa, como por eixemplo a garrofa.ROMANOS, Fernando y SÁNCHEZ, Fernando. L'Aragonés de A Fueba. Bocabulario y notas gramaticals. Consello d'a Fabla Aragonesa, 1999. . Tamién i hai puestos an que distinguen y o nombre de tabiella nomás le'n dan a la que ye seca.MASCARAY SIN, Bienvenido, Vocabulario del habla de Campo (Ribagorza, Huesca); Prensas Universitarias de Zaragoza + Xordica Editorial, 2013. LÓPEZ DIESTE, José Carlos. Vocabulario aragonés de Villanueva de Gállego (Bajo Gállego, Zaragoza). Xordica editorial, 2010. .
Imáchens
Referencias
Categoría:Botanica Categoría:Fabaceae