Theda Bara (nombre artistico de Theodosia Burr Goodman), naixita de Cincinnati (Ohio) o 29 de chulio de 1885 y muerta en Los Angeles (California) o 13 d'abril de 1955, estió una actriz estausunidense, activa en o cine estausunidense dende zaguerías d'os anyos 1900 dica meyatos d'os anyos 1920, cuan remató o periodo d'o cine mudo. Theda Bara, fácil que l'actriz mas conoixita d'ixas envueltas, estió de feito a primera sex symbol d'a historia d'o cine, gosando fer papels de muller fatal. Sindembargo, cuantas d'as suyas cintas (en realidat a mayor parte) han desapareixito, no conservando-se dica hue.
Theda Bara treballó con belluns d'os millors directors d'o cine d'ixe inte (Frank Powell, Herbert Brenon, Raoul Walsh...), encara que estió J. Gordon Edwards qui gosaba dirichir-la en as suyas cintas. A suya cinta mas conoixita estió Cleopatra (1917, de J. Gordon Edwards, con Fritz Leiber, Sr., Thurston Hall y Alan Roscoe).
Galería d'imáchens
Vinclos externos
Theda Bara en IMDb. Theda Bara en Allmovie. Theda Bara en Turner Classic Movies. Theda Bara en Internet Broadway Database. Theda Bara en Find A Grave.
Categoría:Actrices d'Estaus Unius Categoría:Actrices de Hollywood Categoría:Naixius de Cincinnati Categoría:1885 (naixencias) Categoría:1955 (muertes)