Iste articlo tracta Solaniella que ye un lugar d'o municipio d'a Fueva (Sobrarbe). Ta lo lugar de Samianigo (Alto Galligo), se veiga Solaniella.
Solaniella (oficialment, en castellano, Solanilla) ye un lugar aragonés d'o municipio de a Fueva, en a Comarca de Sobrarbe y provincia de Uesca. Actualment se troba despoblau. «Pueblos abandonados» en a pachina oficial de l'achuntamiendo d'A Fueva; consultada o 30 d'octubre de 2010.
Solaniella ye formau de bellas casas, por o que, en comparanza con os altros lugars que lo rodeyan (que son pardinas), ye una población de cualque volumen. Se troba en as garras d'a sierra de Campanué que miran ta la Fueva, en a baixant occidental de a dita sierra. Va estar parte d'o municipio de Pallaruelo de Monclús en chunto con os cuantos lugars que i hai en a redolada, que son a Villa, Cotón y a Torre. Os nuclios en a man fuevana d'o Pallaruelo de Monclús tienen una pista forestal (transitable en 4x4) que os comunica con Formigals en baixando por Cotón, y con Troncedo por a Torre.
Toponimia Ye un toponimo transparent en aragonés feito a partir d'a palabra solana y o sufixo -iella, que actualment en aragonés fovano y medio-ribagorzano y baixo-ribagorzano se pronuncia como /-illa/, d'astí que este toponimo se sienta como Solanilla en a redolada F. Romanos, F. Sánchez: L'aragonés de A Fueba. Bocabulario y notas gramaticals. Uesca, Publicazions d'o Consello d'a Fabla Aragonesa (col. «Puens enta ra palabra», 9) (1999), p 10..
Bi ha microtoponimos interesants como (¿as?) Parz y Portialla.
Referencias
Vinclos externos En http://www.despobladosenhuesca.com/ Imáchens de Solaniella, en a web oficial de l'achuntamiento d'a Fueva
Categoría:Despoblaus d'a provincia de Uesca Categoría:Lugars d'a Fueva Categoría:Localidaz d'a diocesi de Balbastro-Monzón en Sobrarbe