Melanie Griffith, naixida de Nueva York (Nueva York) o 9 d'agosto de 1957, ye una actriz estausunidense, activa en o cine estausunidense dende zaguerías d'os anyos 1960 y con cuantos premios recibius mientres a suya carrera cinematografica. Ye filla de l'actriz Tippi Hedren y d'o productor cinematografico Peter Griffith. Tamién ye fillastra d'o productor Noel Marshall y chirmanastra de l'actriz Tracy Griffith.
D'entre a suya ampla filmografía, se puet destacar a suya participación en as cintas Roar (1981, Noel Marshall), Body Double (1984, Brian De Palma), Something Wild (1986, Jonathan Demme), Working Girl (1988, Mike Nichols), Pacific Heights (1990, John Schlesinger), Buffalo Girls (1995), Crazy in Alabama (1999, Antonio Banderas), RKO 281 (1999, Benjamin Ross), u The Night We Called It a Day (2003, Peter Clifton).
Premios Premios Oscar L'anyo 1989, mientres a 61ena edición d'os Premios Oscar, fue nominada a lo Premio Oscar a la Millor Actriz por o suyo papel de "Tess McGill" en a cinta Working Girl, dirichida por Mike Nichols.
Premios BAFTA En a 43ena edición d'os Premios BAFTA, escaicida en 1990, Melanie Griffith fue nominada a lo Premio BAFTA a la Millor Actriz por a suya interpretación como "Tess McGill" en a cinta Working Girl, dirichida por Mike Nichols.
Premios Globos d'Oro En 1985, en a 42ena edición d'os Premios Globos d'Oro, recibió una nominación a lo Premio Globo d'Oro a la Millor Actriz Segundaria por o papel de "Holly Body" en Body Double, una cinta dirichida por Brian De Palma.
En 1987, en a 44ena edición d'os Globos fue nominada a lo Premio Globo d'Oro a la Millor Actriz de Musical u Comedia por a suya interpretación d'o personache de "Audrey Hankel" en a cinta Something Wild, que heba dirichiu Jonathan Demme; premio que ganó dos anyos dimpués, en 1989 (46ena edición) por a suya interpretación como "Tess McGill" en a cinta Working Girl, dirichida por Mike Nichols.
En a categoría d'o Premio Globo d'Oro a la Millor Actriz Segundaria en Serie de Televisión, Miniserie u Telefilm, recibió dos nominacions: a primera d'ellas s'escaició l'anyo 1996 mientres a 53ena edición d'os Globos por a suya interpretación de "Dora DuFran" en Buffalo Girls, una miniserie dirichida por Rod Hardy, y la segunda aconteixió en l'anyo 2000 (57ena edición d'os premios) por o papel como "Marion Davies" en RKO 281, un telefilm dirichiu por Benjamin Ross.
Filmografía Melanie Griffith en Internet Movie Database. Cintas Anyo Títol d'a cinta Director Banda sonora Elenco Atros [ ''''] en Internet Movie Database.
Series de televisión Serie Anyo Episodio Director Elenco Atros<ref> [ ''] en Internet Movie Database.</ref> | | '' [ ''''] en Internet Movie Database.
Referencias
Se veiga tamién
Vinclos externos
Melanie Griffith en Internet Movie Database. Melanie Griffith en Internet Broadway Database. Melanie Griffith en Allmovie.
Categoría:Actrices d'Estaus Unius Categoría:Naixius de Nueva York Categoría:Nominadas a lo Premio BAFTA a la Millor Actriz Categoría:Nominadas a lo Premio Globo d'Oro a la Millor Actriz de Musical u Comedia Categoría:Nominadas a lo Premio Globo d'Oro a la Millor Actriz Segundaria Categoría:Premio Globo d'Oro a la Millor Actriz Segundaria en Serie de Televisión, Miniserie u Telefilm Categoría:Nominadas a lo Premio Oscar a la Millor Actriz Categoría:Premio Globo d'Oro a la Millor Actriz de Musical u Comedia Categoría:1957 (naixencias)