O galapago europeu u espata ( (Linnaeus, 1758) https://www.iucnredlist.org/species/7717/97292665) ye una especie de tartuga d'a familia Emydidae que se troba en o centro y sud d'Europa, Asia occidental y en a zona mediterrania d'Africa.
Distribución en Aragón A espata en Aragón ye asociata a cursos de ríos y lacunas con aguas de calidat, no trobando-se en aguas contaminatas y con muitas algas. Se troba en o valle de l'Ebro, en a comarca de Cinco Villas, Plana de Uesca, o río Cinca, as lagunas d'Estanya y as poblacions mes coneixitas d'a Reserva Natural de los Sotos y Galachos del Ebro.El Heraldo de Huesca, nº710, pachina 5.
Estato de conservación Ye considerata como vulnerable en o Catalogo d'Especies Amenazatas d'Aragón, seguntes o Decreto 49/1995 d'o 28 de marzo, pero ye una especie de costumbres esquivas, por lo que a suya situación real ye desconeixita. En zaguerías, istos animals son veyendo minguada la suya aria de distribución per a contaminación d'as aguas y per l'efecto desastroso d'as aliberacions de tartugas americanas d'a especie Trachemys scripta (galapago de Florida u tartuga d'orellas royas) que son cautivadas muit a sobén como animals de companyía pero cuan se fan grans s'aliberan irresponsablement en as zonas humidas. Istas especies, que tamién fan parte d'a familia d'as Emydidae gosan reproducir-sen mes que no as tartugas autoctonas y a mes, compiten con ellas per l'alimento.
Subspecies Emys orbicularis capolongoi. Emys orbicularis colchica. Emys orbicularis eiselti. Emys orbicularis fritzjuergenobstii. Emys orbicularis galloitalica. Emys orbicularis hellenica. Emys orbicularis hispanica. Emys orbicularis iberica. Emys orbicularis ingauna. Emys orbicularis lanzai. Emys orbicularis luteofusca. Emys orbicularis occidentalis. Emys orbicularis orbicularis. Emys orbicularis persica.
Referencias
Vinclos externos
Categoría:Emys Categoría:Reptils d'Aragón Categoría:Taxons nombraus por Carl Linnaeus