Claudia Bassols Alonso (Barcelona,3 d'octubre de 1979) ye una actriz catalana, en activo dende 2006.
Biografía Naixida de Barcelona, encomenzó es suyos estudios en a escuela barcelonesa de danza y comedia musical de Coco Comín. Continó a suya formación como actriz en centros estausunidenses de Carolina d'o Norte y Los Angeles y en o Instituto Nacional d'Arte Dramatico de Sydney, Australia.
A suya trachectoria profesional empecipió en televisión con cuantas series y o largometrache catalán El coronel Macià. Actriz multilingüe, ha participau a bels prochectos internacionals, dando-se a conoixer en Estaus Unius con a serie de televisión de 13 capítols Spain... On the Road Again, an que compartió protagonismo con l'actriz Gwyneth Paltrow, y zaguerament en a cinta The Eagle Path, de Jean-Claude Van Damme.
A la suya trachectoria entrepretativa cal adhibir a de modelo internacional de publicidat y moda, desarrollata en achencias como Francina, Elite Internacional y Satoru Japan. Ye tamién miembro numeraria de l'Academia d'o Cinema Catalán.
Filmografía Series de televisión Gavilanes (2010) - como Norma Elizondo La Riera (2010) - como Laia Spain...On the Road Again (2008) - como ella mesma Amar en tiempos revueltos (2008) - como Esperanza C.L.A. No somos ángeles (2007) - como Elena Rincón El mundo de Chema (2006)- como Carmen Mis adorables vecinos (2006) - como Sheila
Cinematografía The Eagle Path (2011) - como Sophia Paintball (2009) - como Claudia Anna (2008) (curtometrache) (2009) - como Anna Blackout (2007) (2007) - como muller bonica El coronel Macià (2006) - como Núria/Secretaria de La Veu
Vinclos externos // Web oficial de l'actriz. Ficha de l'actriz a l'IMDb.
Categoría:1979 (naixencias) Categoría:Actrices de Catalunya Categoría:Naixius de Barcelona