L'alquena u henna () ye a unica especie d'o chenero Lawsonia, d'a familia d'as litracias.
Caracteristicas Ye un matullo de 2–6 m d'altaria con fuellas chicotas, oposatas, enteras, sin pelos, subsésils, elipticas y de forma alto u baixo lanceolata de 1.5–5.0 cm x 0.5–2 cm.
As fuellas s'han emplegato dende tiempos antigo ta obtener alquena, producto ideyal ta tenyir a piel humana. Con l'alquena se pueden fer tatuaches temporals. O nombre "alquena" proviene de l'arabe حِنَّاء, AFI: al-ḥínna. Lo nombre mas conoixiu en aragonés clasico ye "alfenya" y se'n tien notorio por cuantos peaches y pontaches que la cuaternan entre as suyas mercadurías.
Usos y tradicions thumb|left|200px|Muller fendo-se un debuixo d'alquena en a man. L'alquena se fa servir muito ta fer disenyos de color roya fosca en as mans y piez d'as chiquetas d'os países d'Orient Proximo, o subcontinent indio y Africa d'o norte mas que mas antis d'a voda. Tenyir as mans con alquena, con disenyos complicatos u no pas, fa parti d'as tradicions d'as mesachas de muitos países antis d'a cerimonia d'o matrimonio.Westermarck, E. (1926). Ritual and Belief in Morocco Vols 1 & 2. London, UK: Macmillan and Company, Limited O ritual de tenyir as mans y os piez d'a novia de royo lo celebran tanto os musulmans como os hindús, cristianos, chudieus y zoroastrians d'as zonas a on que se practica o costumbre.
A pasta se prepara picando as fuellas con un mortero; l'alquena tamién se fa servir ta tenyir o cabello de color roya. Se puet ixecar y alzar en forma de polvos y se pueden fer preparacions a base d'alquena que dan una color negra.
A pasta d'alquena se deixa sobre as mans un buen ratet y dimpués se lava con augua. Frotando as mans con aceite de mostaza a color se torna mas intensa, amanando-se a o narancha u royo/marrón fosco. Pasatas unas semanas a color fosca orichinal d'alquena va desapareixendo china-chana deixando una color narancha y dimpués tornando a la color natural d'a piel.
Referencias
Vinclos externos
The Henna Page
Categoría:Lythraceae