Jorge Mario Pedro Vargas Llosa, naixiu d'Arequipa (Perú) lo 28 de marzo de 1936 y muerto en Lima (Perú) lo 13 d'abril de 2025 Carlos Granés: Muere Mario Vargas Llosa a los 89 años, un premio Nobel de Literatura con una vida de novela, en Abc, 14 d'abril de 2025. por una pneumonía, mas conoixiu como Mario Vargas Llosa, estió un escritor y novelista peruanoTamién tien a nacionalidat espanyola; cf. Real Decreto 1083/1993, de 2 de chulio. Se tracta d'uno d'os mas importants novelistas y asayistas contemporanios en luenga castellana. En l'anyo 2010 se li atorgó lo Premio Nobel de Literatura, «por a suya cartografía d'as estructuras de poder y as suyas imáchens mordaces d'a resistencia de l'individuo, a suya revuelta, y a suya redota», The Nobel Prize in Literature, en a web d'os Premios Nobel, 2010. Mario Vargas Llosa gana el premio Nobel de Literatura 2010, en Público. tamién ha ganau, entre atros, o Premio Cervantes (1994) y o Premio Prencipe d'Asturias d'as Letras (1986).
Vargas Llosa aconsiguió la fama en os anyos 1960 con novelas como La ciudad y los perros (1962) (A ciudat y os cans), La casa verde (1965) (A casa verda), y Conversación en la catedral (1969). Dica la suya muerte continó escribindo a-saber-lo en cuantos cheneros literarios, incluyindo-ie la critica literaria y lo periodismo. Entre las suyas novelas se contan comedias, novelas policiacas, novelas historicas y politicas. Cuantas d'ellas, como Pantaleón y las visitadoras (1973) y La tía Julia y el escribidor (1977), s'han adaptau y levau ta o cine.
Muitas d'as obras de Vargas Llosa son chupidas d'a percepción que tien o escritor d'a sociedat peruana y por as suyas propias experiencias como peruano. Manimenos, ha ixamplau o suyo repertorio y tractau temas d'atras partes d'o mundo. Ha gosau vivir en Europa (Espanya, Reino Uniu y Francia) la mas gran parte d'o tiempo dende 1958 en o prencipio d'a suya carrera literaria, obtenendo a nacionalidat espanyola en chulio de 1993, fendo que en a suya obra se veiga una fuerte influencia europea.
Igual como atros autors latinoamericanos, Vargas Llosa ha estau politicament activo entre toda a suya carrera. Estió candidato a la presidencia d'o Perú en as eleccions chenerals de 1990 por o partiu de centro-dreita Frente Democrático (FREDEMO), eleccions ganadas en segunda vuelta por Alberto Fujimori.
Obra publicada Ficción 1959: Los jefes. 1963: La ciudad y los perros. 1966: La casa verde (Premio Rómulo Gallegos). 1967: Los cachorros. 1969: Conversación en La Catedral. 1973: Pantaleón y las visitadoras. 1977: La tía Julia y el escribidor. 1981: La guerra del fin del mundo. 1984: Historia de Mayta. 1986: ¿Quién mató a Palomino Molero?. 1987: El hablador. 1988: Elogio de la madrastra. 1993: Lituma en los Andes (Premio Planeta). 1997: Los cuadernos de don Rigoberto. 2000: La fiesta del chivo, novela sobre a dictadura d'o cheneral d'a Republica Dominicana, Rafael Leónidas Trujillo. 2003: El paraíso en la otra esquina, novela historica sobre Paul Gauguin y Flora Tristán. 2006: Travesuras de la niña mala. 2010: El sueño del celta. 2010: Fonchito y la luna. 2013: El héroe discreto.
Asayo y investigación 1971: García Márquez: historia de un deicidio. 1971: Historia secreta de una novela. 1975: La orgía perpetua: Flaubert y «Madame Bovary». 1962-1982 y 1983: Contra viento y marea. Volúmen I. 1972-1983 y 1986: Contra viento y marea. Volumen II. 1990: La verdad de las mentiras: Ensayos sobre la novela moderna. 1964-1988 y 1990: Contra viento y marea. Volumen III. 1991: Carta de batalla por Tirant lo Blanc. 1994: Desafíos a la libertad. 1996: La utopía arcaica. José María Arguedas y las ficciones del indigenismo. 1997: Cartas a un novelista. 2001: El lenguaje de la pasión. 2004: La tentación de lo imposible. 2008: El viaje a la ficción. 2012: La civilización del espectáculo. 2012: Piedra de Toque. Volumen I (1962-1983). 2012: Piedra de Toque. Volumen II (1984-1999). 2012: Piedra de Toque. Volumen III (2000-2012).
Teatro 1981: La señorita de Tacna. 1983: Kathie y el hipopótamo. 1986: La Chunga. 1993: El loco de los balcones. 1996: Ojos bonitos, cuadros feos. 2007: Odiseo y Penélope. 2008: Al pie del Támesis. 2009: Las mil noches y una noche.
Autobiografía 1993: El pez en el agua.
Referencias
Vinclos externos
Fundación Prencipe d'Asturias, Premio Prencipe d'Asturias d'as Letras 1986. Pachina oficial de Mario Vargas Llosa. Pachina de l'Instituto Nobel, Premio Nobel de Literatura 2010.
Categoría:Alumnos d'a Universidat Complutense de Madrit Categoría:Alumnos d'a Universidat Nacional Mayor de San Marcos Categoría:Criticos literarios de Perú Categoría:Escritors de Perú Categoría:Escritors en castellano Categoría:Ganadors d'o Premio Planeta Categoría:Miembros d'a Real Academia Española Categoría:Muertos en Lima Categoría:Muertos por pneumonía Categoría:Naixius d'Arequipa Categoría:Novelistas de Perú Categoría:Politicos de Perú Categoría:Premio Cervantes Categoría:Premio Nobel de Literatura Categoría:Premio Princesa d'Asturias d'as Letras Categoría:Premio Rómulo Gallegos Categoría:1936 (naixencias) Categoría:2025 (muertes)