Jamiroquai ye un grupo britanico de funk, disco y acid jazz.

O suyo nombre ye un chuego de parolas que incluye o nombre d'una tribu indichena nortamericana (os iroqueses) y o vocable anglés "Jam", que designa una sesión de trobada entre musicos que producen una improvisación musical.

O suyo líder y a cara mas conoixita d'o grupo ye Jason Cheetham Kay, mas conoixito como Jay Kay. A suya importancia en a formación ye tal que, en numerosas ocasions, se confunde o nombre d'o grupo con o nombre d'o suyo líder, pero Jamiroquai no fa referencia a la persona, sino a l'agrupación. Ye conoixito por a suya orichinal manera de bailar (que siempre ye improvisata) y por os suyos estrampoticos y desacheratos chapers.

Jamiroquai son tamién conoixitos por os suyos espectaculars conciertos y por a utilización en a suya musica d'un instrumento no guaire común en iste estilo: o didgeridoo.

Historia Dimpués d'una maqueta que se diz que encara cercula por Internet y un single en l'anyo 1992 (When you gonna learn) que causó gran expectación, Jamiroquai publica o suyo primer disco en 1993 con o títol d'Emergency on planet earth. Tanto o suyo disenyo grafico como as parolas d'as cancions marcan una pauta de compromís medioambiental y sociopolitico proclamando valuras como o respecto por a naturaleza u o pacifismo.

Després d'o impresionanat debut de Jamiroquai, que les fació famosos en a elite de l'acid jazz britanico, a on que nomas bi han dentrato artistas d'a talla d'Incognito u Brand New Heavies, publicoron un segundo disco con o títol de The return of the space cowboy (1994). Iste disco, encara que teneba una calidat indiscutible, no tenió a mesma acullita que o suyo primer treballo, puet estar que debito a o suyo sonito menos contundent, mas complexo y eterio.

No estió dica o suyo tercer treballo, Travelling without moving (1996), cuan Jamiroquai se fan famosos de verdat a ran mundial, y estió con dos singles que teneban a partis iguals calidat y ritmo, encara que yeran d'estilos una mica diferents. Istos singles estioron o Cosmic Girl (un tema disco muit bailable) y o ya clasico d'o funk Virtual Insanity.

Dimpués d'iste gran exito publicoron dos discos ditos respectivament Synkronized (1999) y A funk odissey (2001, fendo referencia a la cinta de Stanley Kubrick "2001: A space odissey" y ta os fanaticos de Jamiroquai y d'a musica funk representoron una mena de baixada de calidat d'o grupo britanico, ya adquirioron un sonito mas electronico y perdioron alavez calidat. Manimenos, trobamos bellas cancions dignas de mención por a suya importancia y calidat como Canned Heat, Soul Education u Supersonic en "Sinkronyzed" y Little L, Love Foolosophy, You give me something u a balada Corner of the earth en "A funk odissey".

Dimpués d'un parentesi de cuatre anyos debito a problemas sentimentals d'o líder d'o grupo, Jason Kay, Jamiroquai tornoron con fuerza en 2005 con una tornata a os suyos oríchens y lo disco Dynamite. En iste disco, o grupo torna a tener un sonito mas funky, mas disco, mas acustico y de muita mas calidat, como contrimostran bels temas como Seven days in Sunny June, Electric Mistress, Starchild, (Don't) Give Hate a Chance u Time won't wait.

En l'anyo 2006 apareixe un recopilatorio de singles dito High Times: Singles 1992-2006 que incluye dos temas nuevos: Radio y Runaway.

O suyo zaguer treballo d'estudio apareixe l'1 de noviembre de 2010, un disco que tien por títol Rock Dust Light Star.

Gran parti d'a fama d'a banda viene dada por o suyo lider, Jason Cheetham Kay, mas conoixito como Jay Kay, un personache excentrico que pasa de proclamar mensaches ecolochistas y vestir un chapero de plumas d'indio nortamericano a fer una colección privata de Ferrari. Ha estau una figura muit criticata por ixo, por o suyo estilo de danza, una miqueta peculiar pero muit orichinal (él asegura no haver recibito nunca clases de danza y que tot lo improvisa) y por a suya turbulenta vida personal. Compone u co-compone muitos temas d'o grupo y a suya voz ye facilment reconocible por o suyo tono aguto y licherament crebato.

Discografía Dende 1993 Jamiroquai ha publicato 6 discos d'estudio, 1 replega, innumerables singles y 2 DVDs. Amás cal adhibir gran cantidat de bootlegs. Poseye 5 discos de platino, y 2 d'oro, estando o que mas premios ha recullito "Travelling Without Moving". Jamiroquai poseye mas de 31 millons de discos d'estudio venditos arredol d'o mundo. Jamiroquai ha conseguito cinco numeros 1 en a lista de ventas en o Reino Unido y dos puestos numero 2. En os suyos singles tien 5 numeros 1 en os U.S. Dance y un numero 1 en os UK Singles.

Discos d'estudio

1. Emergency on Planet Earth (1993) 2. The Return of the Space Cowboy (1994) 3. Travelling without Moving (1996) 4. Synkronized (1999) 5. A Funk Odyssey (2001) 6. Dynamite (2005) 7. Rock Dust Light Star (2010)

DVD d'o grupo

1. Live In Verona (2002) 2. High Times: Singles 1992-2006 (DVD) (2006) 3. Jamiroquai - Live at Montreux 2003 (2007) 4. Jamiroquai - At Tokyo Dome 1999(2009)

Replegas

1. Jamiroquai: Greatest Hits (1996) 2. Jamiroquai: The singles Colection (1997) 3. Jamiroquai: Greatest Hits '99 (1999) 4. Complete Odyssey (2003) 5. High Times: Singles 1992-2006 (2006)

Atros discos (Remixes) 1. Different Sounds - The Remixes (2002) 2. The Essential Studio Tracks (2003) 3. Late Night Tales: Jamiroquai (2003)

Treballos d'estudio Nombre d'o discoInformaciónEmergency on Planet Earth Amaneixió: 14 de chunio de 1993 Puesto en listas: # 1 Reino Uniu Vendas mundials:3 500 000 eixemplars, Certificación: Platín Discografica: Sony Records Productors: Jamiroquai y Mike NielsonThe Return of the Space Cowboy Amaneixió: 17 d'octubre de 1994 Puesto en listas: # 2 Reino Uniu Vendas mundials: 4 000 000. Certificación: Oro Discografica: Sony Records Productores: Jamiroquai y Mike NielsonTravelling without Moving Amaneixió: 9 de setiembre de 1996 Puesto en listas: #2 Reino Uniu., #24 en Estaus Unius, #4 Alemanya Vendas mundials: 11.500.000 eixemplars venditos ,Certificación: 2x Platín Discografica: Sony Records Productors: JamiroquaiSynkronized Amaneixió: 14 de chunio de 1999 Puesto en listas: #1 Reino Uniu., #24 U.S.A Vendas mundials: 4 000 000 certificación:Platín Discografica: Sony Records Productors: Jamiroquai y Al StoneA Funk Odyssey Amaneixió: 3 de setiembre de 2001 Puesto en listas: #1 Reino Uniu #44 U.S.A Vendas mundials: 5 000 000 , certificación de RIAA: Reino Unido: Platín Discografica: Epic Records Productors: Jamiroquai y PopeDynamite Amaneixió: 21 de chunio de 2005 Puesto en listas: #3 Reino Uniu Vendas mundials: 4 000 000 Certificación: Oro Discografica: Sony Records Productors: Jamiroquai y Mike SpencerHigh Times: Singles 1992-2006 Amaneixió: 6 de noviembre de 2006 Puesto en listas: #1 en Reino Uniu Vendas mundials: 3 000 000 Certificación:Platín Productors: JamiroquaiRock Dust Light Star Amaneixió: 1 de noviembre de 2010 Discografica: Mercury records Productors: Jay Kay, Charlie Russell y Brad Spence

Categoría:Grupos de musica d'Anglaterra Categoría:Grupos de funk Categoría:Grupos de musica en anglés