Iste articlo tracta sobre o tozal de Charo. Ta altros usos d'a parola «Charo» se veiga Charo (desambigación).
O tozal de Charo Toponimos oficials de Sobrarbe en www.lenguasdearagon.org ye un tozal en o centro-norte d'a Fueva, aproximadament a 3 kilometros en nort-este de a cabecera d'a subcomarca, que ye Tierrantona. Prene o suyo nombre de o lugar de Charo, que se troba en as suyas garras en a baixant este. Fa 994 metros d'altaria, Tozal de Charo en a pachina web sobre montanyismo Mendikat.net, consultada o 6 de noviembre de 2010. con una prominencia fisica de 228 metros sobre os terrenos que l'arrodeyan.
En chunto con o sarratón que o une con a sierra de Muro de Roda, forma una divisoria relativa d'entre A Fueva d'o sud, con Tierrantona de cabecera, que ixo ye a compleguera u cuenca d'o barranco d'a Usía, y a compleguera d'o río d'A Nata en norte, con territorios que en a redolada encara reciben a denominación popular colectiva basada en os dos antigos municipios que os aglutinón; Fosau y Toledo d'a Nata.
Por l'este d'o tozal, menos altero y sin as selvas que tiene o costau ueste, no existe una divisoria evident d'entre a cuenca d'a Usía y d'a Nata, anque o terreno se trobe mas elevau que no en as fondonadas a costau y costau (como si un discreto portichón fese). Isto ye o que fa que tanto la una como l'altra complegueras reciban o nombre popular conchunto de «a Fueva», sin que se'n suelga fer garra mas distinción.
Arredol de o tozal u directament en as suyas garras, nombraus en sentido horario dende as 12h, se troban os siguients nuclios de población y despoblaus: o Pocino de Charo, Charo, Aluchán, o Plano y o Pamporciello (cuasi chuntos), Susiaz, a Plana y o Sotero. En l'altura d'o tozal se troba a ermita de Sant Salvador, por o que bellas vegadas en a redolada tamién se o mienta como «tozal de Sant Salvador».
Se veiga tamién Belaltros accidents topograficos en A Fueva: Sierra de Muro de Roda Tozal de Trillo Sierra de l'Entremont Sierra d'Arro Sierra de Campanué Sierra Ferrera
Referencias
Vinclos externos Imachen tridimensional d'o tozal de Charo, executable con l'aplicación Google Earth. Ye preciso tener instalau o software Google Earth.
Charo Charo Tozal de Charo Categoría:Montanyas d'o Prepireneu aragonés Categoría:Montanyas de Sobrarbe