Ambrose Powell Hill (qui tamién gosa estar conoixito como A.P. Hill), naixito de Culpeper (Virchinia, Estaus Unius) o 9 de noviembre de 1825 y muerto en Petersburg (Virchinia, Estaus Confederaus d'America, hue Estaus Unius) o 2 d'abril de 1865, estió un militar estausunidense activo dende 1847 dica 1865, que plegó a o ran de cheneral en l'Exercito d'a Confederación, y que dica prencipiar a Guerra Civil d'os Estaus Unius heba feito parte de l'Exercito estausunidense, combatindo en as suyas filas en a Guerra Mexicano-estausunidense y en as Guerras Seminolas contra os seminolas.
Partecipó en cuantas batallas destacatas mientres a Guerra Civil, como a primera batalla de Bull Run, as batallas d'os Siet Días, a batalla de Cedar Mountain, a segunda batalla de Bull Run, a batalla d'Antietam, a batalla de Fredericksburg, a batalla de Chancellorsville y a batalla de Petersburg, a on morió en a luita. A suya división feba parte d'o cuerpo d'exercito de Stonewall Jackson, y cuan Jackson morió Hill se convertió breument en o chefe interín d'iste cuerpo.
Categoría:Militars d'Estaus Unius de l'Exercito confederau en a Guerra Civil Estausunidense Categoría:Militars d'Estaus Unius d'a Guerra Mexicano-estausunidense Categoría:Militars d'Estaus Unius d'as Guerras Seminolas Categoría:Naixius de Virchinia Categoría:1825 (naixencias) Categoría:1865 (muertes)