A batalla d'os Campos Catalaunicos se produció en l'anyo 451 en un puesto desconoixito d'o nord-este de Galia a man d'Exalons. En esta batalla s'enfrentó una coalición formata por l'exercito romano d'occident y os exercitos de diferents pueblos barbaros, (dirichitos toz por o cheneral romano Aecio y o visigodo Teodorico I), contra os invasors hunnos y os pueblos aliaus a ellos, dirichitos por Atila. O resultau estió una victoria relativa d'os romanos y visigodos, que no destruyioron de tot a los exercitos invasors, pero creboron con a ideya d'invencibilidat d'Atila.
En a batalla d'os Campos Catalaunicos o rei Teodorico I morió en combate y os visigodos nombroron rei a lo suyo fillo Turismundo en o mesmo campo de batalla.
Mencions en fuents aragonesas Como una d'as batallas mes importants d'a Historia Universal no podeba faltar en a "Cronica de los Conquiridors" de Chuan Ferrández d'Heredia, que se detalla baixo o títol DELA BATALLA DE ECIO PATRICIO CONTRA ATILLA ET BLENDA, REYES DE LOS HUNCNOS y se torna a nombrar unas linias mes abaixo con o títol: COMO ATILLA FUE VENCIDO FOR THEODOMIR, REY DE LOS HISTREGODOS, ET DELA SU MUERT, FEYA, ET DELAS COSAS QUE LOS SUYOS FIZIERON EN LURES EXEQUIAS:
Categoría:Batallas de l'Imperio Romano Categoría:Batallas d'o Reino Visigodo Categoría:Batallas de 451