Trapesonda (Trapezunte en griego, Trabzon en turco) ye una ciudat d'a costa sudoriental d'a mar Negra, capital d'a provincia de Trapesonda en Turquía.
A suya población ye de 228.826 habitants World Gazetteer. (2009) en una superficie de 4.685 km², con una densidat de población de 258,70 hab/km².
Ha estau historicament una ciudat de población griega dica que por a guerra greco-turca y lo tractau de Lausana esta minoría etnica fue forachitada de Turquía. Tamién estió historicament un punto important en o comercio internacional en estar en o camín entre Costantinoble y Persia.
Toponimia A ciudat fue fundada con o nombre de Τραπεζοῦς Trapezus ("mesa" relacionau con a denominación d'a figura cheometrica), y a denominación podría derivar d'o relieu en saso u altiplano que teneba lo puesto orichinal d'a ciudat.
Trobamos mencions a Trapesonda en o Libro de los Emperadors, en La Flor de las Ystorias d'Orient y en o Libro d'as Marabillas d'o Mundo:
En chistabín se diz trapisondas a qui ye oportunista, negociant u "ganguero" y se relaciona con este toponimoBrian Mott: Diccionario etimológico chistanino-castellano castellano-chistabino. Institución Fernando el Católico.
Historia right|140px|thumb|Trapisonda en un mapa antigo d'o Caucas, impreso en Londres, arredol de l'anyo 1770.
Trapisonda fue fundada por colonos griegos orichinarios de Mileto u de Sinop, seguntes a tradición, en l'anyo 756 aC y fació part d'un conchunto de diez colonias en a rechión d'o Ponto.
Dimpués d'a cuatrena cruzada os griegos bizantins de Trapesonda no dependeban de Costantinoble y creyoron un estau independient, l'Imperio de Trapesonda, que no s'adhibió a l'Imperio Bizantín reconstruyiu d'os Paleologos y que resistió os abances d'os turcos anatolicos, estando conquiesto por os otomans bel tiempo dimpués que la mesma Costantinoble.
A población griega de Trapesonda fue forachitada en a suya mas gran part mientres a Guerra Greco-Turca y por aplicación d'o Tractau de Lausana que establiba un intercambio de población entre los musulmans de Grecia y los ortodoxos griegos de Turquía.
Referencias
Vinclos externos
*