Artur Mas i Gavarró (), naixito de Barcelona (Barcelonés) o 31 de chinero de 1956, ye un economista y politico catalán, militant d'o partiu Convergència Democràtica de Catalunya y de Convergència i Unió, a coalición electoral formata por ixe partiu con Unió Democràtica de Catalunya.
Artir Mas dentró en a escena politica catalana en zaguerías d'os anyos 1980 como rechidor en l'Achuntamiento de Barcelona por o suyo partiu, convertindo-se en deputato en o Parlamento de Catalunya en 1995 y fendo parte dimpués de cuantos Gubiernos d'a Cheneralidat de Catalunya presiditos por Jordi Pujol. En as eleccions a o Parlamento de Catalunya de 2003, Artur Mas estió o candidato d'o suyo partiu a la Presidencia d'a Cheneralidat; encara que o suyo partido estió o vencedor d'as eleccions en numero de votos y de deputatos, Pasqual Maragall formó Gubierno en un pacto tripartiu entre o suyo partiu (o Partit dels Socialistes de Catalunya), Esquerra Republicana de Catalunya y Iniciativa per Catalunya, situación que tornó a repetir-se en as eleccions a o Parlamento de Catalunya de 2006. Sindembargo, en as eleccions a o Parlamento de Catalunya de 2010, o 28 de noviembre de 2010, o suyo partiu no nomás venció en as eleccions, sino que amás logró un numero de deputatos suficient ta formar un Gubierno y esvedenir asinas President d'a Cheneralidat de Catalunya. CiU triunfa tras la debacle del tripartiu, en o diaro Heraldo de Aragón.
O 23 d'aviento de 2010 fue esleito nuevo President d'a Cheneralidat de Catalunya, con l'abstención d'o Partit dels Socialistes de Catalunya. El PSC facilita la investidura de Artur Mas, en o diario Heraldo d'Aragón d'o 24 d'aviento.
En as eleccions a o Parlamento de Catalunya de 2012, o 25 de noviembre de 2012, o suyo partiu ganó as eleccions, encara que, con 50 deputatos, tenió una perdua de 12 escanyos sobre as eleccions anteriors. CiU pierde peso pero l'independentismo vence con fuerza en Catalunya, en Arredol. O 27 d'aviento formó o suyo nuevo Gubierno, monocolor, encara que con o refirme d' Esquerra Republicana de Catalunya. Mas nomena el nou govern amb la voluntat que sigui "de diàleg permanent" i sense "soroll ni crits".
En as eleccions a o Parlamento de Catalunya de 2016 yera o primer en a lista d'a coalicción de partius, Junts pel Si, que ganó as elección pero sin de mayoria absoluta. As negociaciacions con a CUP ta formar un gubierno facioron que Carles Puigdemont se convertiera en o president en cuentas d'Artur Mas, que renunció a la suya acta de deputato en o Parlament.
Vinclos externos
Referencias
Categoría:Economistas de Catalunya Categoría:Naixius de Barcelona Categoría:Presidents d'a Cheneralidat de Catalunya Categoría:1956 (naixencias)