Billy Wilder, naixiu de Sucha (Imperio Austrohongaro, hue Polonia) o 22 de chunio de 1906 y muerto en Beverly Hills (California, Estaus Unius) o 27 de marzo de 2002, estió un director cinematografico, guionista y productor cinematografico estausunidense d'orichen austriaco, activo en primeras en o cine alemán dende zaguerías d'os anyos 1920, y dimpués d'a plegata d'Adolf Hitler a o poder (yera d'orichen chudieu) en o cine estausunidense. Mientres a suya carrera cinematografica, recibió cuantos premios.
D'entre a suya filmografía, cal destacar a suya dirección en bellas cintas como Ninotchka (1939, con Greta Garbo y Melvyn Douglas), Double Indemnity (1944, con Fred MacMurray, Barbara Stanwyck y Edward G. Robinson), The Lost Weekend (1945, con Ray Milland y Jane Wyman), Sunset Boulevard (1950, con William Holden, Gloria Swanson, Erich von Stroheim y Nancy Olson), Sabrina (1954, con Humphrey Bogart, Audrey Hepburn y William Holden), Witness for the Prosecution (1957, con Tyrone Power, Marlene Dietrich y Charles Laughton), Some Like It Hot (1959, con Marilyn Monroe, Tony Curtis, Jack Lemmon, George Raft, Joe E. Brown y Pat O'Brien), The Apartment (1960, con Jack Lemmon, Shirley MacLaine, Fred MacMurray y Jack Kruschen), One, Two, Three (1961, con James Cagney, Horst Buchholz, Pamela Tiffin y Arlene Francis), Irma la Douce (1963, con Jack Lemmon y Shirley MacLaine), Kiss Me, Stupid (1964, con Dean Martin, Kim Novak, Ray Walston, Felicia Farr y Cliff Osmond), The Fortune Cookie (1966, con Jack Lemmon y Walter Matthau) u The Front Page (1974, con Jack Lemmon, Walter Matthau y Carol Burnett).
Se veiga tamién Cintas con guión de Billy Wilder. Cintas dirichidas por Billy Wilder. Cintas producidas por Billy Wilder.
Vinclos externos Billy Wilder en Internet Movie Database. Billy Wilder en Internet Broadway Database. Billy Wilder en Turner Classic Movies.
Categoría:Directors cinematograficos d'Austria Categoría:Directors cinematograficos d'Estaus Unius Categoría:Guionistas d'Austria Categoría:Guionistas d'Estaus Unius Categoría:Muertos en Beverly Hills Categoría:Productors cinematograficos d'Austria Categoría:Productors cinematograficos d'Estaus Unius Categoría:1906 (naixencias) Categoría:2002 (muertes)