Busa estió un lugar medieval aragonés, hue ye desapareixiu, que fa parti d'o municipio de Biescas, situau en a comarca de l'Alto Galligo y provincia de Uesca, en o puesto a on se troba encara la ilesia de Sant Chuan de Busa, que estió la suya ilesia parroquial. Isidro Gonzalo Bango Torviso: El románico en España, Espasa-Calpe, Madrit, 1992, p. 142. .
Agustín Ubieto Arteta cita o lugar en a suya obra Toponimia aragonesa medieval, y menciona as variants Buesa, Busa, Buessa, Buesia, Busi, Bosa, Bossa, Uosa y Uesa, estando la suya primera cita en 1064, recullida en a obra d'Ángel Canellas López Colección diplomática de San Andrés de Fanlo (958-1270). Ubieto Arteta, Agustín: Toponimia aragonesa medieval, Valencia, 1972, pachinas 68 y 66. No s'ha de confundir con o lugar de Buesa.
Etimolochía Podría derivar d'o latín buxu, literalment buixo, u de l'antroponimo latino Busa.
Historia Existen cuantas teorías sobre iste lugar. Mientres que uns piensan que a ilesia ye l'orichen d'un lugar de repoblación que nunca no plegó a construyir-se, atros creyen que una riada d'o barranco de Busa, que pasa chusto a lo norte de l'edificio, alleró o lugar en una epoca desconoixida. José Miguel Navarro López: Geografía medieval de Serrablo. Colección «A Lazena de yaya», 15. .
Se veiga tamién Ilesia de Sant Chuan de Busa. Ye una ilesia en estilo romanico que estió obchecto d'una retauración por l'Asociación Amigos de Serrablo. Jaime Cobreros Aguirre: Las rutas del románico en España. Volumen II: Aragón, Cataluña, Navarra, País Vasco y La Rioja, Grupo Anaya, S.A., Madrit, 2004, 1era edición, , p.168-169.
Referencias
Categoría:Lugars desapareixius de Biescas Categoría:Despoblaus medievals d'a provincia de Uesca