Iste articlo ye sobre un río d'Europa; ta atros usos, se veiga Elba.
O río Elba (Elbe en alemán, Labe en checo), ye un río d'Europa, que tien o suyo naixedero en Krkonoše (Republica Checa), a 1.386 metros d'altaria sobre o livel d'a mar en os monts Sudetes, dende on marcha enta o nord-ueste en trescruzando Alemanya dica desauguar en a mar d'o Norte (Oceano Atlantico) dimpués de recorrer 1.091 km, desauguando una cuenca hidrolochica d'una superficie de 148.268 km², con un cabal meyano de 711 m³/s.
Mientres o suyo recorrito, trescruza importants ciudaz, como Ústí nad Labem en a Republica Checa u Dresde, Meißen, Wittenberg, Dessau, Magdeburgo, Hamburgo y Cuxhaven en Alemanya. Os suyos prencipals afluents son o río Vltava, o río Ohře, o río Mulde, o río Saale, o río Ohre, o río Ilmenau, o río Luhe, o río Oste, o río Jizera, o río Schwarze Elster, o río Havel, o río Elde, o río Bille y o río Alster.
Hidronimia A primera mención conoixita ye en latín como , a palabra significa "río" u "leito d'o río" y ye una variant d'a palabra que se troba en tot o chermanico; cf. o hidronimo norrén antigo , o sueco "río", o hidronimo anglés antigo , y o hidronimo baixo alemán "leito de río".Orel, Vladimir. A Handbook of Germanic Etymology. Leiden, Netherlands: Brill, 2003: 13
En a "Cronica de los Conquiridors" parlan d'un río Alvia:
Referencias
Vinclos externos
*