Martín Almagro Basch, naixito de Tramacastiella (Sierra d'Albarracín) o 17 d'abril de 1911 y muerto en Madrit (Espanya) o 28 d'agosto de 1984, estió un destacato prehistoriador y arqueologo aragonés, encara que a suya mai yera d'orichen hongaro. Estudió en a Universidat de Valencia y dimpués en a Universidat Complutense de Madrit, a on se licenció en Historia en 1932 y en Dreito en 1934, ta dimpués continar a suya formación en os anyos 1930 en Alemanya, tenendo como mayestros a personalidaz como o paleontologo Hugo Obermaier u l'arqueologo Leo Viktor Frobenius.
En tener un profundo intrés por a Historia d'Aragón, en 1942 publicó os suyos primers treballos arqueolochicos feitos en a localidat aragonesa de Griegos, desembolicando dende ixe inte cuantos treballos arredol d'Aragón y d'atros puestos amanatos, destacando por o suyo intrés en l'arte levantín.
En 1941 se convertió en Catedratico en a Universidat de Barcelona, estando tamién en 1939-1956 director d'o Museu Arqueolochico de Barcelona. Dende 1947 dirichió tamién l'Instituto d'Estudios Turolenses, y en 1954 se convertió en Catedratico en a Universidat de Madrit, asumindo en 1957 a dirección d'o Museu Arqueolochico Nacional. Antiparte, dirichió a misión arqueolochica espanyola a Nubia.
Obras 1941: Introducción a la arqueología. 1951: Ampurias: Historia de la ciudad y guía de sus excavaciones. 1955: La necrópolis de Ampurias. 1959: El Señorío Soberano de Albarracín bajo los Azagra. 1959-1964: Historia de Albarracín y su sierra. 1960: Manual de Historia Universal. Prehistoria. 1966: Las estelas decoradas del sud-este peninsular. 1968: El arte prehistórico en el Sáhara español.
Vinclos externos
Martín Almagro Basch en El anaquel de Spantamicus Bibliografía completa y enlazada de D. Martín Almagro Basch
Categoría:Arqueologos d'Aragón Categoría:Catedraticos d'Aragón Categoría:Directors d'o Museu Arqueolochico Nacional d'Espanya Categoría:Muertos en Madrit Categoría:Naixius de Tramacastiella Categoría:Prehistoriadors d'Aragón Categoría:1911 (naixencias) Categoría:1984 (muertes)