Tragó de Noguera estió un antigo municipio de la comarca de la Noguera, disuelto lo 1964.
Comprendeba los lugars de Tragó de Noguera, Blancafort, Canelles, Boix y Alberola. De fueras de lo zaguero, los atros fuoron abandonatos, en part por la construcción en lo termin de los entibos de Canelles y de Santa Anna (que inundó l'antiga capital, Tragó, 496 habitants lo 1960). A lo 1964, la mayor part de lo termin municipal pasó a lo d'Os de Balaguer; en quedoron a part las tierras a lo sud de lo Barranc del Molí de Boix, comprendend-ie lo lugar de Boix, que s'integroron a lo municipio d'Ivars de Noguera.
A lo sieglo XIX s'explotaban las salinas de Tragó (chuntament con los vecins lugars de Camporrells, El Campell y Estopanyà). Encara se conserven bellas restas de lo castiello de Tragó y de lo monesterio de Santa María de Vallverd, femenín y de la Orden de Cistels, constituito lo 1172 y suprimito lo 1474 . A lo MNAC se conserva una talla policromada de lo sieglo XIII, lo Calvari de Tragó de Noguera.
Vinclos externos Plana de lo concello d'Os de Balaguer, con una descripción sumaria Plana de Facebook de Tragó de Noguera BOE con lo decreto de disolución de lo municipio de Tragó de Noguera, lo 16.7.1964
Categoría:Despoblaus d'a provincia de Leida Categoría:La Noguera