O río Ixuez Toponimos oficials de Chacetania en www.lenguasdearagon.org ye un río aragonés, afluent d'o río Aragón, que tien o suyo naixedero en A Espata (val d'a Garcipollera), a 2.197 metros d'altaria sobre o livel d'a mar. Dende o suyo naixedero, en bel meyo d'os Pireneus, marcha enta o sud, pasando a o canto d'a ilesia de Santa María d'Iguacel y a o piet d'os despoblatos de Larrosa y Acín, a on cambea o suyo sentito de marcha enta l'ueste, pasando a o canto de Villanoviella y Bescós de Garcipollera, dica desauguar en o río Aragón en termin municipal de Castiello de Chaca, chunto a l'ermita de Santa Chuliana de Garcipollera.
Hidronimia O hidronimo Ixuez ye actualment castellanizau como Ihuez, pero dica o sieglo XIX encara se podeba documentar como Ixuez Memorias del Instituto Geológico de España, Volumen 6. Instituto Geológico de España, Comisión del Mapa Geológico de España, 1878, p 29.. S'escribe Isuez u Ijuez en o "Diccionario geográfico-estadístico-histórico de España y sus posesiones de Ultramar" de Pascual Madoz (1846-1850). En o mapa d'Aragón de Tomás Fermín de Lezaun (1777) figura como Ychuez, pero talment por a gran influencia ortografica d'o francés en tiempos d'a Ilustración. En o "Itinerario del Reyno de Aragón (1610-1611)" de João Batista Labanha s'escribe río de Garcipollera.
Referencias
Categoría:Ríos d'a provincia de Uesca Categoría:Ríos d'a Chacetania Categoría:Ríos pirenencos d'Aragón Categoría:Afluents d'o río Aragón