O hindostaní u hindostanico (हिन्दुस्तानी ہندوستانی ) tamién conoixito como hindi-urdú, ye un conchunto de luengas d'a branca indoiranica d'a familia indoeuropea, muit amanatas entre si, que se parlan en Pakistán y o norte d'a India. Bi ha dos stándards d'a luenga: l'hindi y l'urdú, luengas oficials y nacionals d'a India y Pakistán respectivament.
O hindostaní lo parlaban en l'anyo 2007 alto u baixo 904 millons de personas. Ye a lingua franca de l'ueste y o norte d'o subcontinent indio. Amás s'entiende facilment en as rechions vecinas, mas que mas en as arias urbanas.
Antis d'a Partición d'a India Britanica, os termins hindostaní y urdú yeran sinonimos, y se referiban a os actuals urdú y hindi.The Oxford English Dictionary Se puet decir que hue "hindustaní" se refiere a la luenga oral común, en contraste con os standardizatos hindi y urdú. D'atra man o termin "bazaar hindustaní" quiere decir "lenguache d'o mercato", oposato a l'hindi formal, visto como mas refinato, l'urdú, u mesmo a o sanscrito.
Hue lo día se fa servir o termin hindustaní ta referir-se a o lenguache intencionalment neutro d'as cintas de Bollywood, que son populars tanto en a India como en Pakistán.
Referencias
Categoría:Luengas indoiranicas Categoría:Luengas d'a India Categoría:Luengas de Pakistán