thumb|right|300px|Chordons en a mata.
ChordónCon as variants chordolón y churlón. ye una denominación popular tao s fruitos d'a chordonera (principalment, Rubus idaeus), que son drupas multiples («polidrupas») muit apreciatas en gastronomía y mas que mas en repostería.
Farmacolochía
thumb|300px|Chordons recient replegatos
Parti emplegata Os suyos prencipios activos se troban tanto en as fuellas como en o fruito u as simients.
Composición quimica Os fruitos contienen un 1-2% d'acidos organicos, d'os cuals un 90% ye acido citrico. Amás, en istos bi ha vitamina C, diversos zucres y pectina. As simients contienen un 24% d'aceite esencial y as fuellas flavonoides, mas que mas glucosidos de kempferol y taninos, os compuestos de fenol d'as fuellas que, como se sabe, tienen función antioxidant y oscilan entre 4,8 i 12,0 mg d'equivalents d'acido galico.
S'ha caracterizato por un numero considerable d'antocianinas, entre as cuals s'ha de destacar cianidin-3-soforosido, cianidin-3-(2(G)-glucosilrutinosido), cianidin-3-sambubiosido, cianidin-3-rutinosido y cianidin-3-xilosilrutinosido.
Usos medicinals Amás d'estar comestible, d'o fruito se'n obtiene un xarope muit perfumato, colorants y modificadors d'a sabor.
Tradicionalment as fuellas s'han utilizato com a relaxant uterino, como estimulant y en infusión, ta o tractamiento de diarreras y atros trestuques gastrointestinals. S'ha emplegato tamién en ista forma ta amillorar os simptomas d'os costipatos y en Europa tamién ta facilitar os partos.
Nombres populars A denominación «chordón» (d'o preromano *jurdone Laspeñas Garcia, Daniel: Correspondencias léxicas entre aragonés, catalán y occitano. Algunas relaciones en el mundo vegetal a la luz de las fuentes bibliográficas, Universidat de Zaragoza, 2022, p.421) ye cheneral por tot l'Alto Aragón. S'ha documentato con ixa parola dende a val de Benás VIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals; Edicions Val d'Onsera, Zaragoza 2004. . dica la val d'Ansó, en l'extremo oposato d'o Pireneu d'Aragón. «Chordón» tamién s'emplega en Tarazona y o Moncayo. Tarazona y el Moncayo, Red natural de Aragón n°7, Editorial Prades, 2006, , p.160 Manimenos, y como ye cosa cheneral en aragonés, amaneixen en as prospeccions lexicograficas cualques denominacions alternativas de forma puntual en bels lugars. Por eixemplo s'ha trobau a denominación «churlestre»Con as variants churrestre, churristel y churrustre. exclusivament en Ansó, a on que tamién i coexiste con a parola «chordón», y tamién s'ha puesto trobar a parola «churrustel»Con as variants chorrustel y churrustel. que no s'emplegaría si que en Luesia.
Notas
Referencias
Vinclos externos
Categoría:Fruitos